ستۋدەنتتەردى ونلاين فورماتتا وقىتۋ ماڭىزدىلىعى ارتىپ كەلەدى.
دۇنيەجۇزىلىك ەكونوميكالىق فورۋم بولجامدارىنا سايكەس، 10 جىلدان كەيىن 60 پايىزعا جۋىق ماماندىق ترانسفورماسياعا ۇشىرايدى نە بولماسا ىستەن شىعادى. بۇل تۋرالى ورتالىق كوممۋنيكاسيالار قىزمەتىندە وتكەن بريفينگتە عىلىم جانە جوعارى ءبىلىم ۆيسە-مينيسترى قۋانىش ەرعالييەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«دۇنيەجۇزىلىك ەكونوميكالىق فورۋم بولجامدارىنا سايكەس، 10 جىلدان كەيىن 60 پايىزعا جۋىق ماماندىقتار ترانسفورماسياعا ۇشىرايدى، ءيا بولماسا ىستەن شىعادى. تيىسىنشە، ولاردىڭ ەڭبەك نارىعىنداعى باسەكەگە قابىلەتتىلىگىن قامتاماسىز ەتۋ ءۇشىن مامانداردىڭ قوسىمشا قۇزىرەتتتىلىكتەرىن الۋ قاجەتتىلىگى وتە جوعارى. وسىعان بايلانىستى مەملەكەت باسشىسىنىڭ تاپسىرماسى بويىنشا ءومىر بويى ءبىلىم الۋ تۇجىرىمداماسى ازىرلەندى. تۇجىرىمدامادا كوزدەلگەن شارالار كوپتەگەن ءبىلىم الۋ جولدارى ارقىلى، فورمالدى ەمەس وقىتۋ ارقىلى دا، جاڭا ءبىلىم مەن قۇزىرەتتىلىكتەردى الۋعا مۇمكىندىك بەرەدى. تۇجىرىمدامانى جۇزەگە اسىرۋ ماقساتىندا مەملەكەتتىك ءبىلىم بەرۋ ستاندارتىندا ميكروكۆاليفيكاسيا ءبىلىم الۋ ناتيجەلەرىن قابىلداۋ جوسپارلانعان»، - دەپ توقتالدى ۆيسە-مينيستر.
قۋانىش ەرعالييەۆتىڭ مالىمدەۋىنشە، ستۋدەنتتەردى ونلاين فورماتتا وقىتۋ ماڭعىزدىلىعى ارتىپ كەلەدى. وسىعان بايلانىستى كەلەسى وقۋ جىلىنان باستاپ، اتالعان ءبىلىم بەرۋدىڭ جاڭا ءتۇرى ىسكە قوسىلادى. اتاپ ايتقاندا، ۋنيۆەرسيتەتتەردە سيفرلىق وقىتۋ رەسۋرستارىن، جەلىلەر مەن جاپپاي اشىق ونلاين-كۋرستاردى دامىتۋ جوسپارلانۋدا.