وپەك ساراپشىلارى مۇنداي سەنارييدى قاراشا ايىنداعى ەسەبىندە ايتتى.
بۇل ونىڭ الدىندا جاسالعان بولجاممەن سالىستىرعاندا 28 مىڭ باررەلگە ارتىق ەكەنىن ايتا كەتكەن ءجون. ماماندار مۇنى «قاشاعان» مەن «تەڭىز» جانە «قاراشىعاناق» كەن ورىندارىندا قارا التىن ءوندىرىسىنىڭ ءبىرشاما ارتۋىمەن بايلانىستىرادى. الايدا «وپەك-كە كىرمەيتىن» ەلدەر ءۇشىن الداعى جىلعا ارنالعان مۇناي جەتكىزىلىمىنىڭ وسىمىنە قاتىستى قازان ايىنداعى بولجام وزگەرىسسىز قالدى، دەپ حابارلايدى Almaty-akshamy.kz Jjtv.kz-كە سىلتەمە جاساپ.
ياعني، ول تاۋلىگىنە ءبىر جارىم ميلليون باررەلدى قۇرايدى. ءوسىمدى قازاقستان، اقش، نورۆەگيا، برازيليا، كانادا جانە گايانا سىندى ءىرى مۇناي ەكسپورتتاۋشى ەلدەر قامتاماسىز ەتە الادى دەپ جوسپارلانۋدا.
دەگەنمەن وپەك الەم بويىنشا مۇنايعا سۇرانىستىڭ ارتۋىنا قاتىستى بولجامىن بيىل تاۋلىگىنە 100 مىڭ توننا باررەلگە ازايتىپ، ەكى جارىم ميلليون، ال 2023 جىلى ءدال سول تاۋلىكتىك كورسەتكىشكە ساي 2،2 ميلليون بارەلگە تومەندەتتى. ساراپشىلاردىڭ پىكىرىنشە، جاھاندىق پاندەميا مەن گەوساياسي جاعدايلارعا بايلانىستى الەمدىك ەكونوميكانىڭ تۇراقسىزدىعى سۇيىق كومىرسۋتەكتەردى تۇتىنۋدىڭ ازايۋىنا اكەپ سوعۋى مۇمكىن.