الداعى كۇندەرى قازاقستاننىڭ سولتۇستىك وڭىرلەرىندە جاڭبىر جاۋادى

وڭتۇستىگىندە اۋا تەمپەراتۋراسى 25-35 جىل شاماسىندا ساقتالادى.

«قازگيدرومەت» ماماندارى 24-26 قىركۇيەك كۇندەرى اۋا رايىنىڭ قانداي بولاتىنىن ايتتى، دەپ حابارلايدى Almaty-akshamy.kz.

«سولتۇستىك-باتىس سيكلونى قازاقستاننىڭ باتىس وڭىرلەرىنە اسەر ەتەدى، سودان كەيىن شىعىس باعىتتا جىلجىپ، ەلدىڭ قالعان اۋماعىنا دا اسەرىن تيگىزەدى، جاڭبىر جاۋادى. 25 قىركۇيەكتە باتىستا، 26 قىركۇيەكتە سولتۇستىك-باتىستا جانە سولتۇستىكتە قاتتى جاڭبىر، نايزاعاي، جەلدىڭ كۇشەيۋى جانە بۇرشاق كۇتىلەدى. كەلەسى اپتانىڭ باسىندا سولتۇستىك قازاقستان وبلىسىندا جاۋىن-شاشىن كۇتىلەدى (جاڭبىردىڭ سوڭى قارعا ۇلاسادى). قازاقستاننىڭ وڭتۇستىك-شىعىسىندا تەك تاۋلى جانە تاۋ بوكتەرىندەگى اۋدانداردا وتكىنشى جاڭبىر جاۋادى»،- دەلىنگەن سينوپتيكتەردىڭ حابارلاماسىندا. 

اۋا تەمپەراتۋراسى كۇندىز ەلدىڭ باتىسىندا 22-33-تەن 9-22-گە دەيىن، سولتۇستىك-باتىستا 25-32-دەن 10-23-كە دەيىن، سولتۇستىكتە 23-30-دان 5-20-عا دەيىن، ورتالىقتا 22-32-دەن 20-28-گە دەيىن، قىزىلوردا وبلىسىندا 30-35-تەن 17-25-كە دەيىن تومەندەۋى بولجانادى. ەلدىڭ وڭتۇستىك-شىعىسى مەن قيىر وڭتۇستىگىندە اۋا تەمپەراتۋراسى 25-35 جىل شاماسىندا ساقتالادى.