قوعامدىق تالقىلاۋدىڭ مەرزىمى 5 قازانعا دەيىن بەلگىلەنگەن.
وقۋ-اعارتۋ مينيسترلىگى «ءوزىن-وزى تانۋ» ساباعىن الىپ تاستاۋ تۋرالى بۇيرىقتىڭ جوباسىن جاريالادى، دەپ حابارلايدى Almaty-akshamy.kz
«اشىق نقا» سايتىندا ءمينيستردىڭ «ءوزىن-وزى تانۋ» ادامگەرشىلىك-رۋحاني ءبىلىم بەرۋ باعدارلاماسىن بەكىتۋ تۋرالى» 2018 جىلعى 29 قىركۇيەكتەگى 522 بۇيرىعىنىڭ كۇشى جويۋدى كوزدەيتىن قۇجاتتىڭ جوباسى تالقىلاۋعا شىعارىلدى.
قوعامدىق تالقىلاۋدىڭ مەرزىمى 5 قازانعا دەيىن بەلگىلەنگەن. حالىق قولداسا، ساباقتى الىپ تاستايدى. تالقىلاۋدان كەيىن بۇيرىققا قول قويىلادى. وسى قۇجات العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
ايتا كەتەرى، 2001 جىلى «ءوزىن-وزى تانۋ» ءپانى ەكسپەريمەنت رەتىندە قولعا الىنعان بولاتىن. ال 2009 جىلى مەكتەپ باعدارلاماسىنا ەنگىزىلدى. جوبانىڭ اۆتورى – تۇڭعىش پرەزيدەنتتىڭ جۇبايى سارا نازاربايەۆا.