رەسپۋبليكا بويىنشا نايزاعاي ويناپ، بۇرشاق جاۋادى.
«قازگيدرومەت» ماماندارىنىڭ بولجامى بويىنشا، 19-21 مامىر ارالىعىندا ەلىمىزدە جاڭبىر جاۋىپ، قاتتى جەل سوعادى، دەپ حابارلايدى Almaty-akshamy.kz.
«الداعى ءۇش تاۋلىكتە قازاقستاننىڭ سولتۇستىك جارتىسىندا سولتۇستىك-باتىس سيكلونى، وڭتۇستىك وڭىرلەرگە وڭتۇستىك سيكلونى اۋا رايىنا ىقپال ەتەدى. وسىعان بايلانىستى ەلىمىزدىڭ بارلىق اۋماعىندا جاڭبىر جاۋادى: 19-21 مامىردا وڭتۇستىكتە، وڭتۇستىك-شىعىستا، 20-21 مامىر باتىستا، سولتۇستىك-باتىستا تولاسسىز جاڭبىر جاۋادى. رەسپۋبليكا بويىنشا نايزاعاي ويناپ، بۇرشاق جاۋادى، جەل كۇشەيىپ، وڭتۇستىك-باتىستا شاڭدى داۋىل بولادى»، - دەلىنگەن سينوپتيكتەردىڭ حابارلاماسىندا.