اقتاۋدا تۇرعىن ءۇي كەشەندەرىنىڭ بىرىندە جاس بالالارىنىڭ كوزىنشە ەر ادام ايەلىنە كۇش قولدانعان. ول ۇستالىپ، پوليسيا باسقارماسىنىڭ ۋاقىتشا ۇستاۋ يزولياتورىنا قامالدى، دەپ حابارلايدى اlmaty-akshamy.kz وبلىستىق پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
"قىلمىستىق ءىس قوزعالدى. تەرگەۋ مۇددەسى ءۇشىن وزگە اقپارات جاريا ەتۋگە جاتپايدى"، - دەپ مالىمدەدى پوليسيا.
21 ساۋىردە الەۋمەتتىك جەلىدە اقتاۋداعى تۇرعىن ءۇي كەشەندەرىنىڭ باسپالداق الاڭىندا بالالارىنىڭ كوزىنشە ايەلىن ساباعان ەر ادامنىڭ ۆيدەوسى تاراعان. ۆيدەودا ەر ادام ايەلىنىڭ قولىن قايىرىپ، ەكىنشى قولىمەن ونىڭ اۋزىن جابادى. وسى كەزدە بىرەۋ كەلىپ قالىپ، ول ايەلدى جىبەرە سالادى. بوتەن ادام كەتكەن سوڭ ول ءوزىنىڭ باسبۇزار ارەكەتىنە قايتا كىرىسەدى. بۇل جولى ارەكەت جەدەلساتى ىشىندە جالعاسادى. ايەلدىڭ ايعايلاعان، بالالاردىڭ جىلاعان داۋىسى ەستىلەدى.