الداعى كۇندەرى اۋا رايى ىسيدى

قازگيدرومەت سينوپتيكتەرى 6، 7 جانە 8 مامىرعا ارنالعان اۋا رايى بولجامىن جاسادى.

الداعى كۇندەرى قازاقستانداعى اۋا رايىنا وڭتۇستىك سيكلون اسەر ەتەدى. 6-8 مامىر ارالىعىندا ەلىمىزدىڭ باتىسىندا، سولتۇستىك-باتىسىندا جانە سولتۇستىگىندە، ال 8 مامىردان باستاپ ورتالىق، شىعىس جانە وڭتۇستىك وڭىرلەردە جاڭبىر، نايزاعاي، كەي جەرلەردە بۇرشاق كۇتىلەدى، دەپ حابارلايدى aqshamnews.kz.

6-7 مامىردا باتىس قازاقستان جانە اتىراۋ وبلىستارىندا، 7 مامىردا ماڭعىستاۋ وبلىسىندا، ال 7-8 مامىردا اقتوبە وبلىسىندا قاتتى جاۋىن-شاشىن بولادى دەپ بولجانعان. قاراعاندى وبلىسىندا عانا جاۋىن-شاشىن بولمايدى.

ەلدىڭ وڭتۇستىك-باتىسىندا، سونداي-اق 8 مامىردا وڭتۇستىك-شىعىسىندا قۇمدى داۋىلدار كۇتىلەدى.

6 مامىردا پاۆلودار جانە اباي وبلىستارىندا، سونداي-اق 6–7 مامىردا شىعىس قازاقستان وبلىسىندا تۇنگى جانە تاڭعى ۋاقىتتا ۇسىك ءجۇرۋى مۇمكىن.

كۇندىز اۋا تەمپەراتۋراسى ءارتۇرلى بولادى: باتىستا 23-30 گرادۋستان 21-26 گرادۋسقا دەيىن تومەندەيدى. سولتۇستىك-باتىس، سولتۇستىك جانە شىعىس وڭىرلەردە 20-25 گرادۋستان 24-29 گرادۋسقا دەيىن كوتەرىلەدى. ورتالىقتا اۋا 27-35 گرادۋسقا دەيىن جىلىنسا، وڭتۇستىك جانە وڭتۇستىك-شىعىستا 38 گرادۋسقا دەيىن اپتاپ ىستىق كۇتىلەدى.