اتالمىش شارا اقمولا، قاراعاندى، پاۆلودار، ۇلىتاۋ وبلىستارىندا ورنالاسقان ەرەكشە قورعالاتىن تابيعي اۋماقتاردا جانە ولارعا ىرگەلەس ەلدى مەكەندەردە ءوتتى.
اكسيا 4 ەقتا – «قارقارالى»، «كوكشەتاۋ»، «باياناۋىل»، «ۇلىتاۋ» ۇلتتىق پاركتەرىن قامتىدى.
ۇلتتىق پارك قىزمەتكەرلەرى جەرگىلىكتى تۇرعىندارمەن جانە ەرىكتىلەرمەن بىرلەسىپ 12 توننادان استام قوقىس جينادى. بۇل قۇرعاعان بۇتالار، قىس مەزگىلىنەن كەيىن قۇلاعان اعاشتار، تۇرمىستىق قوقىستار، جاپىراقتار مەن بالشىق شوگىندىلەرى. ءىس-شاراعا 250-دەن استام ادام قاتىستى.
مۇنداي اكسيالار بىرەگەي ەكوجۇيەلەردى ساقتاۋعا جانە ەقتا-دا قورشاعان ورتانىڭ لاستانۋىن بولدىرماۋعا باعىتتالعان.
ەستەرىڭىزگە سالا كەتەيىك، «كيەلى مەكەن» اكسياسى «تازا قازاقستان» ەكولوگيالىق مادەنيەتىن دامىتۋ تۇجىرىمداماسى اياسىندا وتكىزىلۋدە. ءىس – شارالاردىڭ نەگىزگى باعىتتارى - اۋماقتاردى اباتتاندىرۋ، جاسىل ايماقتاردى ۇلعايتۋ جانە حالىقتىڭ ەكولوگيالىق مادەنيەتىن ارتتىرۋ.