مۇناي-گاز حيمياسى ونەركاسىبىن دامىتۋدىڭ 2024-2030 جىلدارعا ارنالعان جول كارتاسىنا سايكەس، جالپى قۇنى شامامەن $15 ملرد بولاتىن التى ءىرى ينۆەستيسيالىق جوبانى ىسكە اسىرۋ جوسپارلانۋدا. بۇل تۋرالى ۇكىمەت وتىرىسىندا ەنەرگەتيكا ءمينيسترى ەرلان اقكەنجەنوۆ مالىمدەدى.
جوبالاردى ىسكە اسىرۋ شامامەن 3،5 مىڭ تۇراقتى جۇمىس ورنىن جانە قۇرىلىس كەزەڭىندە 16 مىڭنان استام ۋاقىتشا جۇمىس ورنىن اشۋعا مۇمكىندىك بەرەدى.
اتالعان شارالار سالانى كەشەندى ىنتالاندىرۋعا جانە ءوڭىر ەكونوميكاسىن دامىتۋعا باعىتتالعان.