وتاندىق ۆەتەريناريا جۇيەسى قالاي رەفورمالانادى؟
ەربول قاراشوكەيەۆ اۋىل شارۋاشىلىعى مينيسترلىگىنىڭ مەملەكەت باسشىسىنىڭ اگروونەركاسىپتىك كەشەندى ودان ءارى دامىتۋ بويىنشا العا قويعان مىندەتتەرى اياسىندا اعىمداعى كەزەڭنىڭ ءبىرقاتار نەگىزگى جانە وزەكتى ماسەلەلەرىن شەشۋ بويىنشا جۇرگىزىپ جاتقان جۇمىسى تۋرالى ايتتى، دەپ حابارلايدى Almaty-akshamy.kz
مينيستر ۆەتەريناريا جۇيەسىن رەفورمالاۋ قولعا الىنعانىن ايتتى.
«بۇگىنگى تاڭدا ءبىز وسى جۇيەنىڭ قازىرگى جاعدايىن مۇقيات تالدادىق، پروبلەمالىق ماسەلەلەر مەن ولاردىڭ پايدا بولۋ سەبەپتەرىن انىقتادىق. وسى نەگىزدە ولاردى شەشۋدىڭ تاسىلدەرى ازىرلەندى. اتاپ ايتقاندا، ەندى ۆەتەريناريا جۇيەسىندەگى بارلىق باقىلاۋ-قاداعالاۋ فۋنكسيالارى ءبىر ۆەدومستۆودا، اتاپ ايتقاندا، اۋىل شارۋاشىلىعى مينيسترلىگىنىڭ ۆەتەريناريالىق قاداعالاۋ جانە باقىلاۋ كوميتەتىندە شوعىرلاندىرىلاتىن بولادى»،- دەپ حابارلادى ەربول قاراشوكەيەۆ.
اشم باسشىسى جەرگىلىكتى اتقارۋشى ورگانداردىڭ ۆەتەرينارلىق قىزمەتتەرى تەك اتقارۋشىلىق فۋنكسيالاردى ورىندايتىنىن ايتتى.
«ەكىنشىدەن، كەلەسى جىلدان باستاپ پراكتيكالىق مال دارىگەرلەرىنىڭ جالاقىسى ورتا ەسەپپەن 68%-عا وسەدى»، - دەپ اتاپ ءوتتى ەربول قاراشوكەيەۆ.