الداعى جىلى اۋەزوۆ اۋدانىنداعى ەكى ەمحانا سالىنادى. بۇل تۋرالى قالا اكىمى ەربولات دوسايەۆ تۇرعىندارمەن كەزدەسۋى بارىسىندا ايتتى، دەپ حابارلايدى اlmaty-akshamy.kz7
«اتالعان ەمحانانىڭ جۇمىسىن جەڭىلدەتۋ ءۇشىن ماۋسىم ايىندا "مامىر" شاعىناۋدانىنان اۋىسىمىنا 200 ادام قابىلدايتىن وتباسىلىق-دارىگەرلىك امبۋلاتوريا سالۋعا تاپسىرما بەردىم. 2023 جىلدىڭ I توقسانىندا اياقتالۋى ءتيىس. سونداي-اق "قۋانىش" شاعىناۋدانىندا اۋىسىمىنا 300 كەلۋشىگە ارنالعان №18 ەمحانانىڭ جاڭا نەگىزگى عيماراتىن سالۋ ءۇشىن جەر ۋچاسكەسى انىقتالدى. جىلدىڭ سوڭىنا دەيىن ۋچاسكەنى ساتىپ الۋ ءراسىمىن اياقتايمىز. جوبالاۋ-سمەتالىق قۇجاتتاما ازىرلەپ، قۇرىلىس جۇرگىزۋدى كەلەسى جىلى باستاۋدى جوسپارلاپ وتىرمىز»، - دەدى الماتى اكىمى ەربولات دوسايەۆ.