جاۋىن-شاشىن مول جاۋعان كەزدە اۋدان كوشەلەرىن سۋ باسۋ پروبلەماسى اسا وزەكتى بولىپ وتىر - قالا اكىمى
بۇل تۋرالى الماتى اكىمى اۋەزوۆ اۋدانى تۇرعىندارىمەن وتكەن كەزدەسۋدە مالىمدەدى، دەپ حابارلايدى Almaty-akshamy.kz.
قالا اكىمىنىڭ مالىمدەۋىنشە، اۋدان بويىنشا ۇنەمى سۋ باساتىن 5 ايماق انىقتالعان (تولە بي كوشەسىنىڭ قيىلىسى – ياسساۋي كوشەسى، رايىمبەك داڭعىلى – مومىش ۇلى كوشەسى. رايىمبەك داڭعىلى – ياسساۋي كوشەسى، اباي داڭعىلى – التىنسارين داڭعىلى، سۆەتوچنايا كوشەسى).
"بۇگىنگى كۇنى توتەنشە جاعداي تاراپىنان 2 ايماق رەتتەلدى (رايىمبەك داڭعىلى – مومىش ۇلى كوشەسى مەن ياسساۋي كوشەسىنە ديامەترى 1 مەتر وتكەل سالۋ ارقىلى)، قالعان 3 ايماق جىل سوڭىنا دەيىن رەتتەلەتىن بولادى. ول ءۇشىن جىل سوڭىنا دەيىن مومىش ۇلى كوشەسىندە ەنى 1 مەتر جانە ۇزىندىعى 2،1 كم (جۇبانوۆ كوشەسىنەن رايىمبەك داڭعىلىنا دەيىن) جاڭا سۋ بۇرۋ كانالى سالىنادى، سونداي-اق جۇبانوۆ، قابدولوۆ، وتەگەن باتىر كوشەلەرىنىڭ بويىنداعى ۇزىندىعى 3،5 كم كوللەكتور قالپىنا كەلتىرىلەدى"، - دەپ مالىمدەدى ە. دوسايەۆ.
سونىمەن قاتار، قالا اكىمى 2023 جىلدىڭ سوڭىنا دەيىن ۇزىندىعى 44 كم بولاتىن 67 كوشەدە ارىق جەلىلەرى سالىنىپ، قايتا جاڭعىرتىلاتىنىن ايتىپ ءوتتى. جىلدىڭ سوڭىنا دەيىن ۇزىندىعى 4 كم بولاتىن 5 كوشەنى اياقتاۋ جوسپارلانىپ وتىر (ۇلىقبەك كوشەسى، مارعۇلان كوشەسى، قابدولوۆ كوشەسى، سۆەتوچنايا كوشەسى، "اقساي-4" شاعىناۋدانىنا كىرەتىن جول).