حاليد از-زاكاكا ەسىمدى ساۋديالىق استرونوم 2030 جىلى ءيسى مۇسىلماننىڭ ەكى مارتە ورازا ۇستايتىنىن حابارلادى.
بۇل جايىندا islam.kz پورتالى islam.ru اقپارات كوزىنە سىلتەمە جاساي وتىرىپ ءمالىم ەتەدى، دەپ حابارلايدى aqshamnews.kz.
ياعني، قاسيەتتى رامازان ايى ءار وتىز جىل سايىن ءبىر جىلدا ەكى رەت كەلەدى. بۇل يسلام كۇنتىزبەسىنىڭ اي سيكلىمەن ەسەپتەلەتىندىگىمەن بايلانىستى. ال گريگوريان كۇنتىزبەسى كۇننىڭ جەردى اينالۋ سيكلىمەن ولشەنەدى. قاسيەتتى رامازان ايىنىڭ سوڭعى رەت ءبىر جىلدا ەكى رەت قايتالانۋى 1997 جىلعا سايكەس كەلەدى. ونىڭ الدىندا مۇنداي قۇبىلىس 1965 جىلى ورىن العان ەدى. 2030 جىلدان سوڭ مۇنداي قۇبىلىس 2063 جىلعا تۇسپا-تۇس كەلمەك. حيجرا جىل ساناۋى بويىنشا 1451 جىلى قاسيەتتى رامازان 2030 جىلدىڭ قاڭتار ايىنىڭ 5ء-ى كۇنى باستالادى، سول حيجرا بويىنشا 1452 جىلدىڭ جەلتوقسان ايىنىڭ 26-نا تۇسپا-تۇس كەلمەك. ياعني، ءيسى مۇسىلمان گريگوريان كۇنتىزبەسى بويىنشا 2030 جىلى ەكى مارتە ورازا ۇستايدى. ءيسى مۇسىلمان وسىلايشا 2030 جىلى شامامەن 36 كۇن ورازا ۇستايدى: 1451 جىلى تولىق 30 كۇن جانە 1452 جىلى شامامەن التى كۇن. اي حيجراسى بويىنشا جىل 354 نەمەسە 355 كۇنگە سوزىلادى. بۇل گريگوريان كۇنتىزبەسىنىڭ 365 كۇنىنە مۇلدەم سايكەس كەلمەيدى.