ۇلتتىق ەكونوميكا ءمينيسترىنىڭ ورىنباسارى ازامات ءامرين ءماجىلىس وتىرىسىنان كەيىن وتكەن باسپا ءسوز ءماسليحاتىندا قوسىلعان قۇن سالىعىن تالقىلاۋ اياقتالعانىن ءمالىم ەتتى، دەپ حابارلايدى aqshamnews.kz
— مەملەكەت باسشىسىنىڭ تاپسىرماسى بويىنشا 6 جۇمىس توبى بۇكىل وڭىرلەردى ارالاپ، بيزنەسپەن، كاسىپكەرلەرمەن كەزدەسىپ شىقتى. سول كەزدەسۋلەردە ايتىلعان ۇسىنىستاردى ءقازىر تالداپ جاتىرمىز. بۇگىن-ەرتەڭ ۇسىنىستاردى پارلامەنتكە ەنگىزەمىز، — دەدى ازامات ءامرين.
سونداي-اق، ول كەزدەسۋلەردىڭ قورىتىندىسىندا قانداي ورتاق پايىمدار ايقىندالعانىن اتاپ ءوتتى.
— قازىرگى جاعداي بويىنشا قوسىلعان قۇن سالىعىنىڭ مولشەرلەمەسى 16 پايىز بولادى دەپ وتىرمىز. كاسىپكەرلەرمەن، اسىرەسە شارۋا قوجالىقتارىنىڭ يەلەرىمەن كەزدەسكەن كەزدە اۋىل شارۋاشىلىعى ءۇشىن ققس مولشەرلەمەسىن 0 پايىز ەتۋ ماسەلەسى ايتىلدى. وسى كەزدەسۋلەردە كەرىسىنشە ققس-نى قالدىرۋ تۋرالى ۇسىنىستار بولدى. سوندىقتان ءبىز مۇنى ەرىكتى ەتۋدى جوسپارلاپ وتىرمىز. اۋىل شارۋاشىلىعىنىڭ وكىلدەرى ققس تولەگىسى كەلسە، تولەيدى. دەنساۋلىق ساقتاۋ سالاسى ءۇشىن ققس مولشەرلەمەسى 10 پايىز بولادى. ققس سالۋدىڭ ەڭ تومەنگى شەگى 15 ملن تەڭگە دەڭگەيىندە قالادى. ول ماسەلە بويىنشا ءتۇرلى نۇسقالار ايتىلدى. ءبىراق كاسىپكەرلەردىڭ كوبى وسى شەك كەرەك دەپ وتىر، — دەدى ۆيسە-مينيستر.