قازاقستان ۇلتتىق بانكى 2022-2023 جىلدارى شىعاتىن ۇلتتىق ۆاليۋتاداعى كوللەكسيالىق مونەتالاردىڭ تاقىرىبىن بەكىتتى، دەپ حابارلايدى اlmaty-akshamy.kz
«الداعى ەكى جىلدا «ەستە قالاتىن وقيعالار مەن ءبىرتۋار ادامدار»، «قازاقستاننىڭ ادەت-عۇرىپتارى، ۇلتتىق ويىندارى»، «قازاقستاننىڭ فلوراسى مەن فاۋناسى»، «دالا قازىناسى»، «كوشپەندىلەردىڭ عيبادات جانۋارلارى – توتەمدەرى»، «سيقىرلى نىشاندار»، «بانكنوتتارداعى پورترەتتەر»، «قازاقستان حالقىنىڭ ەرتەگىلەرى»، «قازاقستاننىڭ قالالارى» سەريالارىن جالعاستىرامىز سيپاتى تانىس بۇل مونەتالار سەرياسىنان بولەك جاڭا سەريالار دا شىعارىلماق، ول – «جاراتىلىس سىرلارى» مەن «قازاقستاندى مونەتالار ارقىلى زەرتتە!» سەريالارى. «جاراتىلىس سىرلارى» اتتى جاڭا سەريا كونە وركەنيەتتىڭ كوزىمەن (تاڭىرشىلدىك، ءۇندى، جۇڭگو، مىسىر وركەنيەتتەرى جانە ت.ب) الەم قانداي بولعانىن ايقىنداماق.
بۇل سەريا اياسىندا پازل تۇرىندەگى بىرەگەي قۇراستىرۋ تەحنولوگياسىنىڭ كومەگىمەن تانتال مەن كۇمىستەن جاسالاتىن ەكى كومپونەنتتى مونەتالار شىعارىلادى. ياعني، مونەتانىڭ تانتالدان جاسالعان جاعىندا كونە وركەنيەتتىڭ ەلەمەنتتەرى، ال، كۇمىستەن قۇيىلعان جاعىندا قازىرگى زاماننىڭ كورىنىستەرى بەينەلەنەدى.
ەڭ ءبىرىنشى بولىپ «تاڭىرلىك تانىم» مەن «ۇندىلىك تانىم» اتتى مونەتالار جارىققا شىعادى. ال، «قازاقستاندى مونەتالار ارقىلى زەرتتە!» اتتى جاڭا سەريا الەمدىك قاۋىمداستىققا ەلىمىزدىڭ، سونىڭ ىشىندە، زاماناۋي مادەنيەت، ونەر، سپورت سالالارىنداعى جەتىستىكتەرىن پاش ەتەدى.
مونەتالاردى جاساعان كەزدە جاستار اراسىنداعى قازىرگى ترەندتەردەن باستاپ، بىرەگەي تابيعي ورىندارىمىزعا دەيىنگى ءارتۇرلى تاقىرىپتار قامتىلادى. 2022 جىلى «ساقتار ءستيلى» جاڭا سەرياسىنان نومينالى 100 تەڭگەلىك سيركۋلياسيالىق مونەتالاردىڭ 5 ءتۇرى 5 ملن دانامەن اينالىمعا تۇسەدى. سونداي-اق، «بارىس ءىلبىس» (2022 جىلى) پەن «بالقاش جولبارىسى» (2023 جىلى) بەينەلەنگەن «تابيعاتتى ايالايىق» اتتى كوللەكسيالىق بليستەرلىك جيناقتار شىعادى دەگەن دە جوسپار بار.
ولار 1، 2، 5، 10، 20، 50، 100 جانە 200 تەڭگەلىك نومينالمەن 8 سيركۋلياسيالىق مونەتا بولىپ جانە 30 000 دانامەن شىعادى» دەلىنگەن حابارلامادا.
2022-2023 جىلدارى شىعاتىن مونەتالار تۋرالى تولىق جوسپار قۇب سايتىندا جاريالانادى.