ەلىمىزدە تەاتر قىزمەتىنىڭ باعاسى 26%-عا وسكەن.
جالپى دەمالىس جانە سپورت سالاسىنداعى قىزمەتتەردىڭ كولەمى ءبىر جىلدا 60%-دان استام قىمباتتاعان، دەپ حابارلايدى Almaty-akshamy.kz ەnergyprom.kz سايتىنا سىلتەمە جاساپ.
2021 جىلعى قاڭتار-جەلتوقساندا قازاقستان رەسپۋبليكاسىندا سپورت، دەمالىس جانە ويىن-ساۋىق سالاسىنداعى قىزمەتتەر 400،5 ملرد تەڭگەنى قۇرادى، بۇل ءبىر جىل بۇرىنعىدان 60،9%-عا ارتىق.
ەكونوميكانىڭ باقىلانبايتىن سەكتورىن ەسەپكە الماعاندا، بۇل سالادا 399،2 ملرد تەڭگەگە قىزمەت كورسەتىلگەن. قۇندىق ماندەگى جىلدىق ءوسىم 67،9%-دى قۇرادى.
وڭىرلىك تۇرعىدان العاندا، قىزمەت كورسەتۋدىڭ 58،4%-ى ءبىر عانا – الماتى وبلىسىنا تيەسىلى: 233،3 ملرد تەڭگە، بۇل 2020 جىلعى قاڭتار-جەلتوقسانمەن سالىستىرعاندا اقشالاي تۇردە 5،7 ەسە كوپ. ۇزدىك ۇشتىككە سونداي-اق ەلوردا (43،6 ملرد تەڭگە، مينۋس 37،2%) جانە قاراعاندى وبلىسى (13،9 ملرد تەڭگە، مينۋس 16،7%) كىرەدى.
سپورت سالاسىندا 114،4 ملرد تەڭگەگە، دەمالىس جانە ويىن-ساۋىق سالاسىندا 284،8 ملرد تەڭگەگە تىكەلەي قىزمەت كورسەتىلدى.
سپورت سالاسىنداعى قىزمەتتەردىڭ ەڭ كوپ كولەمىن سپورت كلۋبتارى كورسەتتى: 25،9 ملرد تەڭگە، بۇل جىلىنا 9،9%-عا ارتىق دەگەن ءسوز. ودان كەيىنگى ورىندا فيتنەس-كلۋبتاردىڭ قىزمەتى جانە سپورت نىساندارىن پايدالانۋ قىزمەتتەرى تۇر.
كوڭىل كوتەرۋ جانە دەمالىس سالاسىندا نەگىزگى كولەمدى ويىن-ساۋىق جانە ءتۇرلى ساياباقتاردىڭ قىزمەتتەرى قۇرادى: 9،2 ملرد تەڭگە، ياعني جىلدىق ءوسىمى 77،2%. ودان كەيىنگى رەتتە قۋىرشاق تەاترلارىنىڭ، سونىمەن قاتار بي زالدارى مەن ديسكوتەكالاردىڭ قىزمەتتەرى بار.
اعىمداعى جىلدىڭ اقپان ايىنىڭ قورىتىندىسى بويىنشا، دەمالىس، ويىن-ساۋىق جانە مادەنيەت سالاسىنداعى قىزمەتتەردىڭ قۇنى ءبىر جىلدا 6،2%-عا ءوستى. ونىڭ ىشىندە تەاتر قىزمەتتەرى 26،2%-عا، باسسەيندەر (ابونەمەنت) 9،6%-عا، بالالار اتتراكسيوندارى 7،4%-عا، كينوتەاترلار 5%-عا، سپورت زالدارى (جازىلۋ) 4،7%-عا قىمباتتادى. فوتوگرافتاردىڭ قىزمەتى 5،4%-عا قىمباتتادى.
وڭىرلىك تۇرعىدان قاراعاندا، بۇل سەكتورداعى باعانىڭ ەڭ قاتتى قىمباتتاۋى الماتى وبلىسىندا تىركەلدى: بىردەن جىلىنا 15،2%-عا وسكەن. بۇدان كەيىنگى ورىندا قىزىلوردا وبلىسى (12،4%) جانە شىمكەنت قالاسى (10،3%) دا بار. ال، قاراعاندى وبلىسىندا وسى سالا بويىنشا قىزمەت كورسەتۋ قۇنىنىڭ ازداپ قانا، ياعني 0،1%-عا تومەندەۋى بايقالدى.