مەملەكەت باسشىسى قاسىم-جومارت توقايەۆ پەن البانيا پرەزيدەنتى بايرام بەگاي شاعىن قۇرامدا كەلىسسوز جۇرگىزدى، دەپ حابارلايدى Almaty-akshamy.kz
«بۇل – تاريحتاعى البانيا پرەزيدەنتىنىڭ قازاقستانعا جاساعان العاشقى ساپارى. ءسىزدىڭ رەسمي ساپارىڭىز ءوزارا ىنتىمقاتاستىقتى دامىتۋ تۇرعىسىنان وتە ماڭىزدى. قازاقستان ءسىزدىڭ ەلىڭىزبەن تىعىز قارىم-قاتىناس جاساۋعا نيەتتى»، - دەدى قازاقستان پرەزيدەنتى.
مەملەكەت باسشىسى ەكى تاراپتىڭ مۇددەسىنە ساي كەلەتىن كوپتەگەن سالادا ءوزارا ءتيىمدى ىنتىماقتاستىقتى دامىتۋعا مۇمكىندىك مول ەكەنىن اتاپ ءوتتى.
«ەكى اپتادان سوڭ ەلدەرىمىز اراسىنداعى ديپلوماتيالىق قارىم-قاتىناستىڭ ورناعانىنا 30 جىل تولادى. ءسىزدىڭ ساپارىڭىزدىڭ وسى ايتۋلى داتامەن تۇسپا-تۇس كەلۋىنىڭ سيمۆولدىق ءمانى بار»، – دەدى قاسىم-جومارت توقايەۆ.
ءوز كەزەگىندە البانيا پرەزيدەنتى بايرام بەگاي قازاقستانعا ساپارمەن كەلگەنىنە وتە قۋانىشتى ەكەنىن ايتتى.
«ارنايى شاقىرعانىڭىز ءۇشىن سىزگە ريزاشىلىعىمدى بىلدىرەمىن. ءوزىڭىز ايتقانداي، بۇل ساپار ديپلوماتيالىق بايلانىستارىمىزدىڭ 30 جىلدىق مەرەيتويىمەن تۇسپا-تۇس كەلىپ وتىر. بۇل ءبىزدىڭ ساياسي قارىم-قاتىناسىمىزدىڭ جوعارى دەڭگەيدە ەكەنىن كورسەتەدى. ەندى ەكونوميكالىق ىنتىماقتاستىعىمىزدى ودان ءارى نىعايتۋ ءۇشىن جاڭا مۇمكىندىكتەر تاۋىپ، بىرلەسە جۇمىس ىستەۋىمىز كەرەك. ءسىزدى البانياعا ساپارمەن كەلۋگە شاقىرامىن، – دەدى البانيا باسشىسى.