كۋرچاتوۆ قالاسى ەكىنشى عىلىم قالاشىعى بولا الادى.
بۇل تۋرالى بۋرابايدا ءوتىپ جاتقان ۇلتتىق قۇرىلتايدىڭ IV وتىرىسىندا مەملەكەت باسشىسى قاسىم-جومارت توقايەۆ ءمالىم ەتتى، دەپ حابارلايدى aqshamnews.kz.
- قازىرگى زاماندا ەكونوميكا يننوۆاسياعا نەگىزدەلۋى كەرەك ەكەنى ءسوزسىز. ءبىز عىلىمدى دامىتۋ، سونىڭ ىشىندە قولدانبالى زەرتتەۋلەر جۇرگىزۋ ءۇشىن كوپ جۇمىس ىستەپ جاتىرمىز. عىلىمي جاڭالىقتاردى كوممەرسيالاندىرۋعا، عىلىم مەن ءوندىرىستىڭ بايلانىسىن كۇشەيتۋگە باسا ءمان بەرىلىپ وتىر. دەگەنمەن قازاقستاندا ءالى كۇنگە دەيىن بىردە ءبىر عىلىم قالاشىعى جوق. الماتى ىرگەسىندەگى «الاتاۋ» يننوۆاسيالىق تەحنولوگيالار پاركىنىڭ اۋماعىندا عىلىم قالاشىعىن قۇرۋ تۋرالى يدەيا بار ەكەنىن بىلەمىن. ۇكىمەت وسى باستامانى جان-جاقتى زەردەلەپ، ءتيىستى زاڭ دايىنداۋى كەرەك، - دەدى قاسىم-جومارت توقايەۆ.
سونىمەن قاتار پرەزيدەنn ەكىنشى عىلىم قالاشىعى تۋرالى ايتتى.
- عالىمداردىڭ پىكىرىنشە، ءتيىستى ءداستۇرى مەن تاجىريبەسى بار كۋرچاتوۆ قالاسى ەكىنشى عىلىم قالاشىعى بولا الادى. ءبىراق مىنانى ەسكەرتكىم كەلەدى: وسى جوسپاردىڭ ءبارى شىنايى ەسەپ-قيساپقا جانە تاباندى جۇمىسقا نەگىزدەلۋگە ءتيىس. كوزبوياۋشىلىق پەن كوپىرمە سوزگە ابدەن تويدىق. سۇراۋى قاتتى بولادى، - دەدى مەملەكەت باسشىسى.