بۇگىن مەرەكە قارساڭىندا الاتاۋ اۋدانىنىڭ اكىمى تالعات مالىبايەۆ كوممۋنالدىق قىزمەتتىڭ ۇزدىك قىزمەتكەرلەرىن قۇتتىقتادى.
«اۋداننىڭ ۇزدىك كوممۋنالدىق قىزمەتكەرى» اتاعىن بەرۋدە تۇرعىندارمەن قارىم-قاتىناس جانە قىزمەتكەرلەر بەكىتىلگەن اۋلالار مەن تۇرعىن ۇيلەردىڭ جاعدايى باستى كريتەريي سانالدى.
اۋدان اكىمى كوممۋنالدىق قىزمەت وكىلدەرىنە ادال ەڭبەگى ءۇشىن العىس بىلدىرە وتىرىپ:
– ناۋرىز مەرەكەسىنە وراي ۇيىمداستىرىلعان بۇل شارا قالامىزدىڭ تازالىعى مەن ءتارتىبىن قامتاماسىز ەتۋگە باعىتتالعان كەز كەلگەن ماماندىقتىڭ ماڭىزدىلىعىن كورسەتەدى، – دەدى ماراپاتتاۋ كەزىندە.
ول سونداي-اق:
– ءبىزدىڭ قىزمەتكەرلەرىمىزدىڭ كاسىبي بىلىكتىلىگى مەن جاۋاپكەرشىلىگى – ءوز ءىسىن شىن مانىندە ساپالى اتقارعىسى كەلەتىن ءاربىر جانعا ۇلگى. بۇگىنگى جەڭىمپازدارىمىز دا ءوز جۇمىسىنا كەشەندى كوزقاراسپەن قارايتىن ناعىز ماماندار ەكەنىن دالەلدەدى، – دەپ تۇيىندەدى ءسوزىن تالعات مالىبايەۆ.
ماراپاتقا يە بولعانداردىڭ ءبىرى اسحات قىپشاقبايەۆ اۋدان باسشىلىعىنا وزدەرىنە كورسەتىلگەن قۇرمەت ءۇشىن العىسىن ءبىلدىردى.
– ءوز جۇمىسىمدا ەشقانداي ەرەكشەلىك كورمەيمىن. مەنىڭ مىندەتىم – سايالى شاعىناۋدانىندا تازالىقتى ساقتاۋ. مەن ماراپات نەمەسە سىيلىق الۋ ءۇشىن جۇمىس ىستەگەن جوقپىن، مەن ءۇشىن ەڭ باستىسى – جەرگىلىكتى تۇرعىنداردىڭ العىسى. ولار «تازالىق – تەك جيناعان جەردە ەمەس، لاستامايتىن جەردە بولادى» دەگەن قاعيدانى ۇستاناتىنىن تۇسىنسە، مەن ءۇشىن ۇلكەن جەتىستىك. ارينە، اۋدان باسشىلىعىنىڭ ەڭبەگىمىزدى ەسكەرگەنى قۋانتادى. بولاشاقتا دا الماتىنىڭ تازالىعى مەن تۇرعىنداردىڭ جايلى ءومىر ءسۇرۋى ءۇشىن ايانباي ەڭبەك ەتەمىن، – دەدى اسحات قىپشاقبايەۆ.
الاتاۋ اۋدانىنداعى كوممۋنالدىق قىزمەتتىڭ ۇزدىك قىزمەتكەرلەرى دەپ تانىلعاندار:
1. امانگەلدى نۇرتازين
2. ەرجان قۇجەمقۇلوۆ
3. ديدار قونىسبايەۆ جانە اسحات قىپشاقبايەۆ