بۇگىن الماتى ناعىز كوكتەم مەرەكەسىنىڭ ورتالىعىنا اينالدى.
قالادا ناۋرىز مەيرامى ەرەكشە سان-سالتاناتپەن تويلانىپ جاتىر، دەپ حابارلايدى aqshamnews.kz
مەرەكەلىك الاڭدار مەگاپوليستىڭ تۇكپىر-تۇكپىرىندە پايدا بولدى. ولاردىڭ ءبىرى - الاتاۋ اۋدانىنداعى ۋنيۆەرسيادنايا كوشەسى. مۇندا كوپتەپ كيىز ۇيلەر تىگىلىپ، مەرەكەلىك ساحنا قۇرىلدى. سونداي-اق ADD ۇستەل تەننيسى ورتالىعىنىڭ الدىندا ۇلتتىق سپورت تۇرلەرىنەن، ونىڭ ىشىندە قازاق كۇرەستەن بالالار مەن جاسوسپىرىمدەر اراسىندا جارىس ءوتتى.
“الاتاۋ بارىسى” اتالعان تۋرنيرگە سپورت مەكتەپتەرىنىڭ تاربيەلەنۋشىلەرى، اۋدان بالالارى قاتىستى.
- الاتاۋ اۋدانى اكىمدىگىنىڭ باستاماسىمەن ناۋرىز مەرەكەسىنە وراي ۇلتتىق سپورت تۇرلەرىنەن جارىس ۇيىمداستىرىلدى. اتاپ ايتقاندا، بالالار ارقان تارتىس، قول كۇرەس، اسىق اتۋ جانە قازاق كۇرەستەن ب ا ق سىناپ جاتىر. قازاق كۇرەستەن “الاتاۋ بارىسى” تۋرنيرىنە 2012-2017 جىلعى 120 بالا 14 سالماق بويىنشا قاتىسىپ جاتىر، - دەدى جارىس ۇيىمداستىرۋشىسى اسقاربەك يبراگيموۆ.