الماتى قالاسىنىڭ الاتاۋ اۋدانى ينجەنەرلىك ينفراقۇرىلىمدى سالۋ مەن جاڭعىرتۋ جاعىنان قارقىندى تۇردە جاڭارىپ كەلەدى. ساپالى كوممۋنيكاسيامەن قامتاماسىز ەتۋ جۇمىستارى بۇرىن قالاعا قوسىلعان اۋماقتاردى قوسا العاندا، بارلىق ىقشام اۋداندى قامتىپ وتىر. بۇل اۋدانداردا تۇرعىندار ۇزاق جىل بويى ورتالىقتاندىرىلعان جۇيەنىڭ بولماۋىنا بايلانىستى سەپتيك پەن قۇدىقتاردى پايدالانۋعا ءماجبۇر بولعان. بۇل تۋرالى الاتاۋ اۋدانىنىڭ اكىمى تالعات مالىبايەۆ وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا مالىمدەدى، دەپ حابارلايدى aqshamnews.kz
2024 جىلى العاباس جانە سايالى ىقشام اۋداندارىندا ماڭىزدى جوبالار اياقتالدى: 48،6 شاقىرىم سۋمەن جابدىقتاۋ جانە سۋ بۇرۋ جەلىلەرى، سونداي-اق وجەت ىقشام اۋدانىندا كارىزدىك سورعى ستانسياسى (كنس) سالىندى. جۇمىستاردىڭ جالپى قۇنى — 3،5 ملرد تەڭگە. وسى جوبالاردىڭ ارقاسىندا 5 مىڭنان استام تۇرعىن العاش رەت ورتالىقتاندىرىلعان اۋىز سۋ مەن كارىز جۇيەسىنە قول جەتكىزدى.
- 2025 جىلدىڭ جەلتوقسان ايىندا بورالداي، اقبۇلاق، شاپاعات، بولاشاق جانە راحات-مادەنيەت ىقشام اۋداندارىنداعى 23 مىڭ تۇرعىنعا ارنالعان 270 شاقىرىم ينجەنەرلىك جەلىنى سالىپ بىتپەك. سونىمەن قاتار، ايگەرىم ىقشام اۋدانىندا جاڭا كارىزدىك سورعى ستانسياسى پايدالانۋعا بەرىلەدى. بۇل جوبالاردىڭ جالپى قۇنى — 15،5 ملرد تەڭگە.
- تەرەكتى ىقشام اۋدانىنا ەرەكشە كوڭىل بولىنگەن، مۇندا 2025 جىلعى شىلدەدە 10،9 ملرد تەڭگەلىك ءىرى ينفراقۇرىلىمدىق جوبا ىسكە اسىرىلا باستايدى. بيىلدىڭ وزىندە 4 ملرد تەڭگە ءبولىنىپ، 90 شاقىرىم سۋمەن جابدىقتاۋ جانە سۋ بۇرۋ جەلىلەرىن سالۋ جوسپارلانعان. بۇل جۇيەلەر 9 مىڭنان استام تۇرعىندى سۋمەن، كارىزبەن قامتاماسىز ەتپەك. جۇمىستى 2026 جىلدىڭ سوڭىنا دەيىن اياقتاۋ كوزدەلىپ وتىر.
- بيىلعى تامىز ايىندا مەملەكەتتىك ساراپتامانىڭ وڭ قورىتىندىسى الىنعاننان كەيىن 13 جانە 14-تەرريتوريا، بولاشاق، قاراسۋ، ايگەرىم-1، ايگەرىم-2 ىقشام اۋداندارىندا جانە «وجەت» كارىزدىك سورعى ستانسياسىندا 60 شاقىرىم ينجەنەرلىك جەلىنىڭ قۇرىلىسى باستالادى. 6،6 ملرد تەڭگەگە باعالانعان بۇل جوبالار 2026 جىلدىڭ قاراشاسىندا اياقتالادى.
2025 جىلدىڭ اقپانىندا شاڭىراق-1، شاڭىراق-2 جانە قاراسۋ ىقشام اۋداندارىندا 18 كارىزدىك سورعى ستانسياسى سالىنىپ ءبىتتى. 2025 جىلدىڭ قىركۇيەگىنە دەيىن بۇلاردى تولىق قوسۋ جوسپارلانىپ وتىر. سونىمەن قاتار، 2025 جىلدىڭ قاراشاسىندا وجەت پەن سامعاۋ ىقشام اۋداندارىندا 2،1 ملرد تەڭگەگە تاعى 5 سورعى ستانسياسىن سالىپ بىتپەك.
ەڭ ۇلكەن جوبانىڭ ءبىرى — «باتىس كارىز كوللەكتورىنىڭ» قۇرىلىسى. ستراتەگيالىق ماڭىزى بار بۇل نىساننىڭ قۇرىلىس جۇمىستارى 2025 جىلدىڭ اقپانىندا باستالدى. ۇزىندىعى — 34،9 شاقىرىم، ينۆەستيسيا كولەمى — 37،2 ملرد تەڭگە. بۇل جوبا الاتاۋ مەن ناۋرىزباي اۋداندارىنىڭ 130 مىڭ تۇرعىنىن جانە الماتى وبلىسىنداعى ىلە اۋدانىنىڭ امانات اۋىلىن ورتالىقتاندىرىلعان سۋ بۇرۋ جۇيەسىمەن قامتاماسىز ەتەدى. جوبا اياسىندا العاباس ىقشام اۋدانىندا كارىزدىك سورعى ستانسياسى دا سالىنادى. بارلىق جۇمىستار 2026 جىلدىڭ قاراشاسىنا دەيىن اياقتالادى.
سونىمەن قاتار، ەلەكتر جەلىلەرى دە جاڭارتىلىپ جاتىر. 2025 جىلى «اجك» اق شاڭىراق-1، ايگەرىم-1، ايگەرىم-2، ۇلجان-2، اقبۇلاق، العاباس، تەرەكتى، وجەت جانە قاراسۋ ىقشام اۋداندارىن قامتىعان 10 ىقشام اۋداندا كۇردەلى جانە اعىمداعى جوندەۋ جۇمىسى جۇرگىزىلەدى. 170 شاقىرىم جەلى جاڭارتىلىپ، تاعى 28،5 شاقىرىم جەلى كۇردەلى جوندەۋدەن وتپەك. سونىمەن قاتار، جىل سوڭىنا دەيىن شاڭىراق، ۇلجان جانە وجەت اۋداندارىن قامتيتىن 8 ىقشام اۋداندا يەسىز 73،5 شاقىرىم جەلى قايتا جاڭارتىلىپ، 33 ترانسفورماتورلىق قوسالقى ستانسيا ورناتىلادى. بۇل جۇمىستارعا جەرگىلىكتى بيۋدجەتتەن 2،1 ملرد تەڭگە بولىنگەن.
- جاڭا ونەركاسىپتىك جانە ساياجاي ايماقتارىن ەلەكترمەن جابدىقتاۋ دا نازاردان تىس قالعان جوق. بيىل يندۋستريالدىق ايماق پەن تەپلوەنەرگەتيك، ەنەرگەتيك ماسسيۆتەرىندە 9،3 شاقىرىم جاڭا جەلى سالىنىپ، وعان 325 ملن تەڭگە ءبولىندى.
- 2025 جىلدىڭ مامىرىنان باستاپ الاتاۋ اۋدانىنداعى 255 كوشە مەن قوعامدىق كەڭىستىكتەردە 2 900 باعانا مەن 3 500 شام ورناتۋدى كوزدەيتىن اۋقىمدى جوبا باستالدى. جوبانىڭ جالپى قۇنى — 2،6 ملرد تەڭگە.
وسىلايشا، الاتاۋ اۋدانى الماتى قالاسىنداعى ەڭ قارقىندى دامىپ كەلە جاتقان اۋداننىڭ بىرىنە اينالىپ وتىر. مۇندا سالىنعان ءاربىر تەڭگە ونداعان مىڭ تۇرعىننىڭ ءومىر ساپاسىن ارتتىرۋعا باعىتتالعان.