الماتى قالاسىنىڭ الاتاۋ اۋدانىندا جىل سوڭىنا دەيىن 31 قوعامدىق كەڭىستىك، 16 اۋلا جانە قاراسۋ كولى اباتتاندىرىلادى
الاتاۋ اۋدانىندا تۇرعىندار ءۇشىن جايلى قالالىق ورتا قۇرۋ جۇمىستارى قارقىندى جۇرگىزىلۋدە. بۇل تۋرالى اۋدان اكىمى تالعات مالىبايەۆ الماتى قالاسى وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا مالىمدەدى. ونىڭ ايتۋىنشا، قوعامدىق كەڭىستىكتەردى اباتتاندىرۋ مەن دامىتۋ – اۋداننىڭ باسىم باعىتىنىڭ ءبىرى، دەپ حابارلايدى aqshamnews.kz
وتكەن جىلى قاراسۋ شاعىناۋدانىندا 10 گەكتاردان استام اۋماقتا سكۆەر مەن جاياۋ جۇرگىنشىلەر ايماعى اباتتاندىرىلدى. وندا شاعىن ارحيتەكتۋرالىق فورمالار، جاڭا كوشە جيھازدارى، دەمالۋعا ارنالعان ورىندار ورناتىلىپ، جارىقتاندىرۋ جانە كوگالداندىرۋ جۇرگىزىلدى. جوبانىڭ جالپى قۇنى 760 ملن تەڭگەنى قۇرادى. مىسالى، «دارابوز» شاعىناۋدانىندا مەشىت ماڭىندا 6،2 گا اۋماقتى قامتيتىن ساياباق سالىندى. 2024 جىلدىڭ قىركۇيەگىندە بورالداي وزەنىنىڭ 24 گەكتارلىق جاعالاۋىن اباتتاندىرۋ جۇمىستارى اياقتالدى. 2025 جىلدىڭ قىركۇيەگىندە وجەت شاعىناۋدانىنداعى (16 گا) توعاندى كوگالداندىرۋ، سپورت جانە بالالار الاڭىمەن قامتۋ جوباسى اياقتالماق. بۇدان بولەك، 2023 جىلى جوندەۋ اياسىندا 6 قوعامدىق كەڭىستىك اباتتاندىرىلىپ، 2 اۆتوماتتى سۋارۋ جۇيەسى ورناتىلعان.. جوبانىڭ جالپى قۇنى – 2،6 ملرد تەڭگە.
«حالىق قاتىساتىن بيۋدجەت» باعدارلاماسى اياسىندا 2024 جىلى 2،5 ملرد تەڭگەگە 45 جوبا جۇزەگە اسىرىلدى: 24 قوعامدىق كەڭىستىك، 10 اۋلا، 5 جارىقتاندىرۋ جوباسى جانە 2 جەر ۋچاسكەسىنە اۆتوسۋارۋ جۇيەسى ورناتىلدى. بيىل تاعى 2،5 ملرد تەڭگە ءبولىنىپ، تۇرعىندار ۇسىنعان 570 ۇسىنىستىڭ ىشىنەن ىرىكتەلگەن 50 جوبانى ىسكە اسىرۋ جوسپارلانعان.
2025 جىلدىڭ ناۋرىزىنان قىركۇيەگىنە دەيىن 31 قوعامدىق كەڭىستىك، 16 اۋلا اۋماعى، 3 كوشە جارىعىن جاڭارتۋ جوباسى جۇزەگە اسىرىلادى. سونىمەن قاتار، ماۋسىم-قىركۇيەك ارالىعىندا 12 گەكتاردى قامتيتىن قاراسۋ كولى مەن مومىش ۇلى كوشەسى بويىنداعى جاياۋ جۇرگىنشىلەر ايماعىن اباتتاندىرۋ جۇمىستارى جۇرگىزىلىپ جاتىر.
2025 جىلى رىسقۇلوۆ داڭعىلى مەن ساعي اشيموۆ كوشەسى قيىلىسىندا جاڭا سكۆەر، سونداي-اق رايىمبەك پەن رىسقۇلوۆ داڭعىلدارىنىڭ اراسىنداعى ۇلكەن الماتى ارناسى بويىندا جاسىل ايماقتىڭ قۇرىلىسى باستالادى. قۇرىلىس-مونتاج جۇمىستارى شىلدەدە باستالىپ، جىل سوڭىنا دەيىن اياقتالادى.
«ماقسات – تەك اۋماقتى جاڭارتۋ ەمەس، ادامدار قايتا-قايتا كەلگىسى كەلەتىن، بارلىق بۋىن وكىلدەرىنە جايلى بولاتىن كەڭىستىكتەر قۇرۋ»، – دەپ اتاپ ءوتتى الاتاۋ اۋدانىنىڭ اكىمى تالعات مالىبايەۆ.