بيىلعى قاراشادا جەتى شاعىناۋداندا ۇزىندىعى 53 كم استام 47 كوشەدەگى جولداردى ورتاشا جوندەۋ اياقتالادى.
سونداي-اق، مومىش ۇلى كوشەسىندەگى جاياۋ جۇرگىنشىلەر وتكەلدەرىنە 4 باعدارشام ورناتىلىپ جاتىر، دەپ حابارلايدى Almaty-akshamy.kz
«الاتاۋ اۋدانىنا العاش بارعان كەزىمدە، "شاڭىراق-1" شاعىناۋدانىنىڭ تۇرعىندارى ورتالىق وتەمىس ۇلى كوشەسىنە جوندەۋ جۇرگىزۋ تۋرالى ءوتىنىش بىلدىرگەن بولاتىن. تۇرعىنداردىڭ وسى ءوتىنىشىن ەسكەرە وتىرىپ، الماتى قالاسىنىڭ اكىمدىگى ءال-فارابي داڭعىلىن جوندەۋگە جوسپارلانعان قاراجاتتىڭ ءبىر بولىگىن الدى. بۇل قاراجاتتاردى ماگيسترالدىق ماڭىزى بار وتەمىس ۇلى كوشەسىن (3،9 كم) ورتاشا جوندەۋگە باعىتتاۋ تۋرالى شەشىم قابىلدادى. جۇمىستار باستالىپ تا كەتتى، ونى بيىل قىركۇيەكتە اياقتايمىز دەپ وتىرمىز»، دەدى بۇگىن اۋدان تۇرعىندارىمەن كەزدەسكەن مەگاپوليس باسشىسى.
سونداي-اق، رايىمبەك داڭعىلىندا (ساين كوشەسىنەن باستاپ جۋالى كوشەسىنە دەيىن 4،6 كم) ورتاشا جوندەۋ جۇمىستارىن باستالدى. تامىز ايىندا رىسقۇلوۆ داڭعىلىنداعى (كۋدەرين كوشەسىنەن باستاپ نەميروۆيچ-دانچەنكو كوشەسىنە دەيىن 1،7 كم) اسفالت توسەمىن اۋىستىرۋدى باستالادى. بۇل ۋچاسكەلەر وسى جىلدىڭ قاراشا ايىنا دەيىن تولىعىمەن اياقتالادى.
سونىمەن قاتار، اعىمداعى جىلدىڭ قاراشا ايىندا جەتى شاعىناۋداندا ۇزىندىعى 53 كم استام 47 كوشەدەگى جولداردى ورتاشا جوندەۋ اياقتالادى. ولار "اقبۇلاق" (14،7 كم)، "دارحان" (5،4 كم)، "سايالى" (1،7 كم)، "ۇلجان" (2،3 كم)، "وجەت" (1،1 كم)، "كوك-قاينار" (1،2 كم)، 14ء-شى اۋماقتا (15،5 كم) ورنالاسقان.
وسى جىل قاراشانىڭ ورتاسىنا دەيىن "العاباس" شاعىناۋدانىندا ۇزىندىعى 10 كم جاڭا جول قۇرىلىسىن اياقتاۋ جوسپاردا. "شاڭىراق-1" جانە "شاپاعات" شاعىناۋداندارىندا ورتالىق سۋمەن جابدىقتاۋ جانە كاناليزاسيا جەلىلەرى توسەلگەننەن كەيىن 32 كم دەيىن جاڭا جول سالىنادى.
«قۇرمەتتى تۇرعىندار، شاعىناۋدانداردا جولداردى سالۋ سۋمەن جابدىقتاۋ جانە كاناليزاسيا جەلىلەرى بويىنشا قۇرىلىس جۇمىستارى اياقتالعاننان كەيىن سالىناتىنىن تاعى دا ەسكە سالعىم كەلەدى. وتكەن كەزدەسۋدە تۇرعىندار "العاباس" شاعىناۋدانى مەن موڭكە بي كوشەسىنە ءتيىستى جول بەلگىلەرىن ورناتىپ، جاياۋ جۇرگىنشىلەر وتكەلىن ۇيىمداستىرۋعا قاتىستى ءوز وتىنىشتەرىن بىلدىرگەن بولاتىن. بۇگىندە بۇل جۇمىستار ورىندالدى»، - دەپ ەسەپ بەردى تۇرعىندارعا ەربولات دوسايەۆ.
سونداي-اق، مومىش ۇلى كوشەسىندەگى جاياۋ جۇرگىنشىلەر وتكەلدەرىنە 4 باعدارشام ورناتىلىپ جاتىر. جۇمىستار وسى جىلدىڭ تامىز ايىنىڭ سوڭىنا دەيىن اياقتالادى.
"شاپاعات" شاعىناۋدانىندا تۇرعىنداردىڭ جايلىلىعى ءۇشىن جانە «ستروي سيتي» قۇرىلىس كەشەنىنىڭ جانىنداعى زاڭسىز اۆتوكولىك تۇراقتارىن جويۋ ماقساتىندا تروتۋارلار سالدىق. بۇگىندە "وجەت" شاعىناۋدانىنداعى بارلىق تۇيىق جانە تار كوشەلەردەگى جوندەۋ جۇمىستارى اياقتالدى. "تەرەكتى" شاعىناۋدانىنداعى جاعالتاي كوشەسىندەگى جولداردى وسى جىلدىڭ قاراشا ايىنىڭ سوڭىنا دەيىن جوندەپ بىتىرەمىز»، - دەپ اتاپ ءوتتى قالا اكىمى حالىقپەن كەزدەسۋدە.