الاتاۋ اۋدانىندا 18 كاناليزاسيالىق سورعى ستانسياسىن سالۋ قاجەت.
قالا اكىمى ەربولات دوسايەۆتىڭ الاتاۋ اۋدانىنىڭ تۇرعىندارىمەن كەزدەسۋ ءوتىپ جاتىر، دەپ حابارلايدى Almaty-akshamy.kz.
قازىرگى ۋاقىتتا «اقبۇلاق»، «وجەت» جانە «سامعاۋ» 3 شاعىن اۋدان بويىنشا سۋمەن قامتۋ جەلىلەرى سالىنىپ، ولاردى ىسكە قوسۋ جۇمىستارى جۇرگىزىلۋدە.
قوسىمشا 6 شاعىن اۋداندا جالپى ۇزىندىعى 207 كم بولاتىن ورتالىق سۋمەن قامتۋ جانە سۋ بۇرۋ جەلىلەرى سالىنىپ جاتىر.
"وسى جىلدىڭ سوڭىنا دەيىن شاپاعات، قاراسۋ، العاباس شاعىن اۋداندارىنىڭ تۇرعىندارى سۋ قۇبىرى جەلىلەرىنە قوسىلا الادى.
سونداي-اق، 10 كاناليزاسيالىق سورعى ستانسياسى جانە شاڭىراق-1 شاعىن اۋدانىندا (3500 ابونەنت، 100 كم) سۋمەن جابدىقتاۋ جانە سۋ بۇرۋ جۇمىستارىن تەزدەتىپ اياقتاۋدى جوسپارلاپ وتىرمىز. قالعان شاعىن اۋداندار بويىنشا جۇمىستاردى 2023 جىلدىڭ جەلتوقسان ايىندا اياقتاۋ جوسپاردا"، - دەدى قالا اكىمى.
سونىمەن بىرگە، وسى جىلدىڭ قىركۇيەك ايىندا «تەرەكتى» شاعىن اۋدانىندا 44 كم سۋ جانە 32 كم كاناليزاسيا جەلىلەرىنىڭ قۇرىلىسى باستالادى. بۇل جۇمىستار 2024 جىلدىڭ جەلتوقسانىنا دەيىن جۇرگىزىلەدى.
بۇگىندە سۋ كاناليزاسيا جۇيەسىنىڭ جۇمىس ىستەۋى ءۇشىن اۋداندا 18 كاناليزاسيالىق سورعى ستانسياسىن سالۋ قاجەت.
الماتى قالاسىنىڭ اكىمدىگى وسى ستانسيالاردى سالۋ جانە ىسكە قوسۋ ءۇشىن كەدەرگى كەلتىرەتىن قۇرىلىستار ورنالاسقان جەر ۋچاسكەلەرىن كەزەڭ-كەزەڭىمەن الۋ تۋرالى شەشىم قابىلداندى.
قازىرگى ۋاقىتتا شاڭىراق-2 شاعىن اۋدانىندا 4 ۋچاسكەنى الۋ جۇمىستارى ءجۇرىپ جاتىر. 3 ۋچاسكەدە جۇمىستار جۇرگىزىلۋدە، جابدىققا تاپسىرىس بەرىلدى. قۇرىلىس-مونتاجداۋ جۇمىستارىن وسى جىلدىڭ جەلتوقسان ايىندا اياقتاۋ كوزدەلگەن.
كاناليزاسيالىق سورعى ستانسيالارىنىڭ قۇرىلىسى اياقتالعانعا دەيىن الاتاۋ اۋدانىنىڭ اكىمدىگى وسى شاعىن اۋداندا اسسەنيزاتورلىق ماشينالاردى پايدالانىپ، سەپتيكتەر مەن كاناليزاسيا جۇيەلەرىن تازالاۋدى قامتاماسىز ەتەدى.