كوپ بالالى جانە از قامتىلعان وتباسىنىڭ بالالارى ءۇشىن جاتتىعۋ تەگىن بولماق
الماتىنىڭ الاتاۋ اۋدانىندا قوس بىردەي فۋتبول الاڭى قولدانىسقا بەرىلدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
«مادەنيەت» شاعىناۋدانىندا ورنالاسقان سپورت كەشەنى 300-گە جۋىق بالانى قابىلداي الادى. ەكى الاڭ دا جەكە كاسىپكەرلەردىڭ قاراجاتىمەن بوي كوتەردى. توبەسى جابىق كەشەن جىلدىڭ 4 مەزگىلىندە دە جۇمىس ىستەي بەرەدى. فۋتبول الاڭىن سالۋداعى باستى ماقسات – جاستاردى سپورتقا باۋلۋ، سالاۋاتتى ءومىر سالتىن قالىپتاستىرۋ. سپورت كەشەنىنىڭ اشىلۋىنا وراي جارىس ۇيىمداستىرىلىپ، جەڭگەندەرگە باعالى سىيلىق تابىستالدى.
ايتا كەتەيىك، كوپ بالالى جانە از قامتىلعان وتباسىنىڭ بالالارى ءۇشىن جاتتىعۋ تەگىن بولماق.
«بۇل قۇرىلىسقا 2 جىلداي ۋاقىت كەتتى. قۇرال-جابدىقتاردىڭ ءبارى وتە ساپالى ءارى مىقتى. بالالارعا ىڭعايلى.بۇگىنگى تۋرنيردە 6-9 جاس سونداي-اق، 9-12 جاس ارالىعىندا ءوتىپ جاتىر»، – دەدى جەكە كاسىپكەر باقىتجان قادىربەكوۆ.