الماتىدا تۇنگى كلۋبتاعى ۇرلىقتىڭ بەتى اشىلدى

بۇل كوبىنەسە ۇيالى تەلەفوندارعا قاتىستى

الماتىدا تۇنگى كلۋبتا ەلدىڭ مۇلكىن توناپ كەلگەن ۇرى ۇستالدى، – دەپ حابارلايدى  Almaty-akshamy.kz Polisia.kz-كە سىلتەمە جاساپ.

ويىن-ساۋىق مەكەمەلەرىندەگى ۇرلىق دەرەگىن مەدەۋ اۋدانىنىڭ پوليسيا قىزمەتكەرلەرى انىقتادى. 
– ق ر قپك-نىڭ 128-بابىنا سايكەس، ق ر قك-نىڭ 188-بابى 3-بولىگىنىڭ 2-تارماعى بويىنشا قىلمىستىق قۇقىق بۇزۋشىلىقتى جاسادى دەگەن كۇدىكپەن 21 جاستاعى و. ەسىمدى ازامات ۇستالدى. تەرگەۋ انىقتاعانداي، ول ادام كوپ جينالاتىن ورىنداردى تاڭداعان: تۇنگى كلۋبتار، لاۋنج-بارلار، كاراوكە كلۋبتارى. قوناقتاردىڭ ءان ايتۋعا نەمەسە بي بيلەۋگە كەتكەنىن كۇتىپ، كەيىننەن ولاردىڭ مۇلكىن ۇرلاپ كەتكەن. بۇل كوبىنەسە ۇيالى تەلەفوندارعا قاتىستى. تەرگەۋدىڭ قازىرگى كەزەڭىندە كۇدىكتىنىڭ وسىعان ۇقساس ءۇش ەپيزودقا قاتىستىلىعى انىقتالدى، – دەدى مەدەۋ اۋداندىق پوليسيا باسقارماسىنىڭ باستىعى داۋرەن وتەبايەۆ. 

ءتارتىپ ساقشىلارى ۇستالعان ازاماتتىڭ باسقا دا قىلمىستارعا قاتىسى بار بولۋى مۇمكىن ەكەندىگىن جوققا شىعارمايدى. وسىعان بايلانىستى ولار ازاماتتاردى كۇدىكتىنىڭ سۋرەتىنە مۇقيات قاراۋعا شاقىرادى. 

– ەگەر، ءسىز ونىڭ قىلمىستىق ارەكەتتەرىنەن زارداپ شەككەن بولساڭىز، بىزبەن مىنا تەلەفون نومىرلەرى بويىنشا حابارلاسۋىڭىزدى سۇرايمىز: 8(727) 254-48-02؛ 254-48-10؛ 8-702-476-66-60، – دەدى وتەبايەۆ.