بيىل "سايالى" شاعىناۋدانىندا 160 ورىندىق بالاباقشانىڭ قۇرىلىسى باستالدى.
ونى قۇرىلىسىن 2023 جىلدىڭ ناۋرىز ايىندا اياقتاۋ قاراستىرىلىپ وتىر. بۇل جونىندە قالا اكىمى ەربولات دوسايەۆتىڭ الاتاۋ اۋدانىنىڭ حالقىمەن وتكەن كەزدەسۋدە بەلگىلى بولدى، دەپ حابارلايدى Almaty-akshamy.kz.
«قازىرگى ۋاقىتتا "زەردەلى" شاعىناۋدانىندا دەنە شىنىقتىرۋ-ساۋىقتىرۋ كەشەنى سالىنىپ جاتىر. 2023 جىلدىڭ ناۋرىز ايىندا اياقتاۋ جوسپاردا.
بالالاردى سىنىپتان تىس وقىتۋمەن قامتۋ كولەمىن ودان ءارى ارتتىرۋ ءۇشىن قازىرگى ۋاقىتتا كوپسالالى يننوۆاسيالىق شىعارماشىلىق ورتالىق (وقۋشىلار سارايى) سالىنۋدا. وعان 5 مىڭنان استام بالا باراتىن بولادى. قۇرىلىسى 2023 جىلدىڭ II توقسانىندا اياقتالادى»، - دەدى قالا اكىمى ەربولات دوسايەۆ.
سونىمەن قاتار، قاراسۋ تۇرعىندارىنىڭ تىلەكتەرىن ەسكەرە وتىرىپ، شاھار باسشىسى مادەنيەت ءۇيىنىڭ عيماراتىن ساتىپ الۋ تۋرالى تاپسىرما بەردى. قاجەتتى قارجى (483 ملن. تەڭگە) ءبولىندى، عيماراتتى ساتىپ الۋ جۇمىستارى ءجۇرىپ جاتىر.
«جىل سوڭىنا دەيىن وندا كەمىندە 10 شىعارماشىلىق جانە ءبىلىم بەرۋ سەكسياسىن اشامىز جانە كۇن سايىن 150-گە جۋىق بۇلدىرشىندەرىمىز وسى سەكسيالارعا قاتىسا الادى»، - دەدى قالا باسشىسى ەربولات دوسايەۆ.