الماتىنىڭ باراحولكاسىنداعى جولعا ناۋرىز ايىنىڭ سوڭىنا دەيىن «سەرگەك» بەينەباقىلاۋ كامەرالارى ورناتىلادى، دەپ حابارلايدى almaty-akshamy.kz
الماتى اكىمى ەربولات دوسايەۆ الاتاۋ اۋدانىنىڭ تۇرعىندارىمەن كەزدەسۋ بارىسىندا وسىنداي تاپسىرما بەردى. تۇرعىندار سولتۇستىك اينالما جولىن رەتكە كەلتىرۋدى جانە رەتسىز كولىك تۇراعىنا تىيىم سالۋدى سۇرادى. قالا تۇرعىندارىنىڭ ايتۋىنشا، بۇل اۋماقتاعى جول قوزعالىسى ەرەجەسىن تاكسي جۇرگىزۋشىلەرى ەلەمەيدى.
«بيىل الاتاۋ اۋدانىندا بارلىعى 37 «سەرگەك» كامەراسىن ورناتۋ جوسپارلانعان. سونىڭ ءبىرىن ناۋرىز ايىنىڭ سوڭىنا دەيىن سولتۇستىك اينالما جولىنا ورناتۋدى تاپسىرامىن»، - دەدى ەربولات دوسايەۆ.
2024 جىلى الماتىدا بارلىعى 10 مىڭعا جۋىق بەينەباقىلاۋ كامەراسىن ورناتۋ جوسپارلانىپ وتىر.