مارشرۋتتاردى جاڭارتۋ جانە كۇشەيتۋ: الماتىنىڭ الاتاۋ اۋدانىندا قوعامدىق كولىككە قىزمەت كورسەتۋ ساپاسى قالاي جاقسارادى
بىلتىردان بەرى الاتاۋ اۋدانىندا 497 جاڭا اۆتوبۋس جانە №19 باعىتى بويىنشا 10 تروللەيبۋس تاسىمالداۋمەن اينالىسادى. بۇل تۋرالى اۋدان اكىمى ەربولات دوسايەۆ اۋدان تۇرعىندارىمەن كەزدەسۋدە مالىمدەدى.
ونىڭ ايتۋىنشا، 19 مارشرۋتتىڭ قۇرامى تولىعىمەن جاڭارتىلىپ، 7ء-ى كۇشەيتىلدى، قوسىمشا 10 جاڭا مارشرۋت قوسىلدى.
«وسى جىلعى ناۋرىز ايىنىڭ سوڭىنا دەيىن قولايلى جاعداي جاساۋ ماقساتىندا №120 مارشرۋتتىڭ قۇرامىن 30 اۆتوبۋسپەن جاڭارتۋ، سونداي-اق، 3 مارشرۋتتىڭ (№16، 50، 123) قۇرامىن اۋىستىرا وتىرىپ، 39-دان 62-گە دەيىن جاڭا اۆتوبۋسپەن كۇشەيتۋ جوسپارلانىپ وتىر»، - دەگەن ەربولات دوسايەۆ، 2024 جىلى №133 مارشرۋتتىڭ قۇرامىن تولىعىمەن ەكولوگيالىق تازا گازبەن جۇرەتىن 18 ۇلكەن اۆتوبۋسپەن جاڭارتۋ جوسپارلانىپ وتىرعانىن ايتتى.