الماتى اكىمى ەربولات دوسايەۆ جۇمىس ساپارى بارىسىندا الاتاۋ اۋدانىنداعى 2 000 ورىندى جايلى مەكتەپتىڭ قۇرىلىسىمەن تانىستى، دەپ حابارلايدى aqshamnews.kz
بۇل ءبىلىم مەكەمەسىنىڭ قۇرىلىسى وتكەن جىلى ناۋرىز ايىندا «جايلى مەكتەپ» ۇلتتىق جوباسى اياسىندا تەرەكتى شاعىن اۋدانىندا باستالعان بولاتىن.
الاتاۋ اۋدانىندا ءقازىر 31 مەملەكەتتىك مەكتەپ بار، وندا 58 مىڭنان استام بالا وقيدى. حالىق سانىنىڭ ارتۋى مەن بەلسەندى قۇرىلىس جۇرگىزۋ ناتيجەسىندە وسى وقۋ جىلىندا اۋدان بويىنشا مەكتەپ ورىندارىنىڭ تاپشىلىعى 5 مىڭ ورىنعا دەيىن جەتتى. قالادا «جايلى مەكتەپ» جوباسى بويىنشا 36 800 ورىندى 22 ءبىلىم ورداسىنىڭ قۇرىلىسىن سالۋ جوسپارلانعان.
الماتى اكىمدىگى وقۋشى ورىندارىنىڭ تاپشىلىعىنىڭ دەڭگەيىن رەتتەۋ ماقساتىندا جاڭا مەكتەپتەر مەن قوسىمشا قۇرىلىستاردى جەرگىلىكتى بيۋدجەت ەسەبىنەن سالۋدى جالعاستىرادى. قالاداعى بۇرىن اشىلعان ءبىلىم ۇيىمدارىنا بايلانىستى 2025 جىلى تاعى 16 مەكتەپ ءبىر اۋىسىمدىق وقىتۋعا كوشەدى. وسىلايشا، كەلەسى وقۋ جىلىندا 200-دەن استام مەملەكەتتىك مەكتەپتىڭ 43ء-ى ءبىر اۋىسىمدىق جۇيەگە كوشەدى (ءوسىم 12،5%-دان 18،4%-عا دەيىن).
تەرەكتى شاعىن اۋدانىنداعى جايلى مەكتەپتى كورىپ شىققان سوڭ ەربولات دوسايەۆ ونى 2025 جىلى قاڭتاردا، ءۇشىنشى توقساننىڭ باسىنا دەيىن اشۋدى تاپسىردى.
ايتا كەتەيىك، مەكتەپ قۇرىلىسىمەن قاتار تروتۋارلار، جارىقتاندىرۋ جانە جول بەلگىلەرىن ورناتۋ جۇمىستارى قولعا الىنعان. بۇل جۇمىستار وسى ايدىڭ سوڭىنا دەيىن اياقتالماق. سونىمەن قاتار، الماتىنىڭ قالالىق موبيلدىلىك باسقارماسى مەكتەپكە اپاراتىن 1،1 كم جولدى سالىپ ءبىتىردى.