Alatay Aqparat جۋرناليستەرى باستاعان الماتىداعى جاسىل القاپتاردى سۋارۋ مەن كۇتىپ-باپتاۋ چەللەندجىن الماتىلىقتار ءىلىپ اكەتىپ، بىر-بىرىنە جولداپ جاتىر.
بۇگىن بۇل باستاماعا MedRemZavod كومپانياسى قولداۋ ءبىلدىردى، دەپ حابارلايدى Almaty-akshamy.kz
«Alatay Aqparat كومپانياسى، «الماتى اقشامى» «ۆەچەرنيي الماتى» گازەتتەرىنىڭ باستاۋىمەن «اعاشتاردى ايالايىق» چەللەندجى ءجۇرىپ جاتىر. ءبىز دە وسى چەللەندجگە قاتىسۋعا نيەت ەتتىك. قازىردەن وسى اعاشتاردى قورعاپ، ساقتاپ قالماساق، قالامىز جاسىل قالا ەمەس، جالاڭاش قالا بولىپ قالاتىن ءتۇرى بار. سوندىقتان اينالامىزداعى اعاشتاردى سۋارامىز. ءبىزدىڭ ارقامىزدا اعاشتارىمىز جاپ-جاسىل بولىپ تۇر. بۇل يدەيانى ءبارىمىز قولداۋىمىز كەرەك. ءوز كەزەگىمىزدە چەللەندجدى «سۇڭقار» مەديسينالىق كومپانياسىنا جولدايمىز»، - دەدى MedRemZavod كومپانياسىنىڭ باس ديرەكتورى ارىستانبەك جۇماعۇلوۆ.
