جەتىسۋ ءوڭىرىنىڭ تۇرعىندارى ارمەنيالىق كولىكتەردى زاڭداستىرىپ جاتىر

شەتەلدىك كولىكتەردى تىركەۋگە قويۋ مەرزىمى 2022 جىلدىڭ 1 ناۋرىزىنا دەيىن ۇزارتىلدى.

الماتى وبلىسىنىڭ 37 تۇرعىنى ارمەنيادان اكەلگەن كولىكتەرىن زاڭداستىرىپ العان. پوليسيا ماماندارى مۇنداي كولىگى بار ازاماتتاردى تىركەۋدەن جىلدام وتۋگە شاقىردى، دەپ حابارلايدى Almaty-akshamy.kz.

ىشكى ىستەر مينيسترلىگىنىڭ رەسمي سايتىنداعى مالىمەتتەر بويىنشا،  شەتەلدىك كولىكتەردى زاڭداستىرۋدىڭ بىرەگەي مۇمكىندىگىن ەلىمىزدىڭ كوپتەگەن ازاماتى پايدالانعان.

«قازاقستان رەسپۋبليكاسى ۇكىمەتىنىڭ 2021 جىلعى 27 اقپانداعى قاۋلىسىنا سايكەس، ەلىمىزگە ارمەنيادان اكەلىنگەن كولىكتەردى تىركەۋگە قويۋ مەرزىمى 2022 جىلعى 1 ناۋرىزعا دەيىنگى مەرزىمگە ۇزارتىلدى. شەتەلدىك تىركەۋدەگى كولىگى بار تۇرعىنداردان وسى مۇمكىندىكتى جىبەرمەي، تىركەۋگە تەزىرەك قويۋعا شاقىرامىن»، – دەدى الماتى وبلىسى پد ءاپب پروسەسسينگ ورتالىعىنىڭ اعا ينسپەكتورى ەرجان جانتىلەۋوۆ.

ەستەرىڭىزگە سالا كەتەيىك، مەملەكەت باسشىسىنىڭ تاپسىرماسىنا سايكەس، بىلتىر ق ر ۇكىمەتى ارمەنيا ەلىنەن اكەلىنگەن كولىكتەردى تىركەۋگە قويۋ ءتارتىبى مەن مەرزىمىن بەكىتكەن بولاتىن. دەگەنمەن جاھاندى جايلاعان كوروناۆيرۋس ىندەتىنە، مەملەكەتتىك شەكارالاردىڭ جابىلۋىنا، كولىكتەردى سىناقتان وتكىزۋ مەكەمەلەردىڭ جۇمىسىنداعى وزگەرىستەرگە بايلانىستى ۋاقىتشا تىركەۋگە قويۋ ۋاقىتىنا وزگەرتۋلەر ەنگىزىلىپ، ۇزارتىلعان بولاتىن.