تاراپتاردىڭ بۇل ىنتىماقتاستىعى مەديا حولدينگ پەن زەرتتەۋ ينيستيتۋتىنىڭ مۇمكىندىكتەرىن ۇشتاستىرا وتىرىپ، بارىنشا كەڭ اۋديتورياعا عىلىمي ءارى ساپالى كونتەنت ۇسىنۋدى كوزدەيدى.
بۇگىن، 8 ماۋسىم، ALATAU AQPARAT ج ش س ديرەكتورى ەرجان قالىمباي ۇلى ەۋرازيا عىلىمي-زەرتتەۋ ينستيتۋتىنىڭ ديرەكتورى سۋات بەيلۇر مىرزامەن ەكىجاقتى دوستىق جانە ىنىماقتاستىق قارىم-قاتىناستى نىعايتۋ ماقساتىندا كەزدەسۋ وتكىزدى، دەپ حابارلايدى Almaty-akshamy.kz
الماتىداعى ەۋرازيا عىلىمي-زەرتتەۋ ينيستيتۋتىندا وتكەن كەزدەسۋدە، مەديا حولدينگ پەن ينيستيتۋت ورتاسىنداعى ىنتىماقتاستىق بايلانىستى دامىتۋ تاقىرىبى تالقىلاندى.
كەزدەسۋ اياسىندا ەرجان قالىمباي ۇلى مەن سۋات بەيلۇر «ج ش س “ALATAU AQPARAT” مەديا حولدينگى مەن قوجا احمەت ياسساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ ەۋرازيا عىلىمي-زەرتتەۋ ينيستيتۋتى اراسىنداعى ىنتىماقتاستىق» تۋرالى كەلىسىم-شارتقا قول قويدى.
اتالعان كەلىسىم-شارت ەكى تاراپتىڭ ورتاق عىلىمي-تانىمدىق ءىس-شارالاردى ۇيىمداستىرۋ، ءوزارا اقپاراتتىق قولداۋ كورسەتۋ جانە ساپالى كونتەنتتەرمەن الماسۋعا باعىتتالعان.
سونداي-اق، كەلىسىم-شارت “ALATAU AQPARAT” ج ش س قىزمەتكەرلەرىنە ەۋرازيا عىلىمي-زەررتتەۋ ينيستيتۋى جۇرگىزەتىن تۇرىك ءتىلى كۋرستارىنا قاتىسۋعا مۇمكىندىك بەرەدى.
ەۋرازيا عىلىمي-زەرتتەۋ ينيستيتۋتى قوجا احمەت ياسساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ تۇرىك الەمى جانە ەۋرازيا كەڭىستىگىن زەرتتەۋ باعىتىنداعى عىلىمي ورتالىعى. قازاق، تۇرىك، اعىلشىن جانە ورىس تىلدەرىندە تۇراقتى تۇردە ساپالى عىلىمي باسىلىمداردى، وزگە دە عىلىمي ەڭبەكتەردى شىعارىپ كەلەدى.
“ALATAU AQPARAT” ج ش س 2020 جىلى قۇرىلعان. قۇرامىنا «الماتى اقشامى»، «ۆەچەرنيي الماتى» باسىلىمدارى مەن Almaty-akshamy.kz جانە Vecher.kz سايتتارى كىرەدى. سونداي-اق، كەمەلدى مۋلتيمەديالىق مۇمكىندىكتەرىمەن بارلىق الەۋمەتتىك جەلىلەردى قامتىعان، اۋقىمدى اقپارات ايدىنىنا يە مەديا حولدينگ.