"Alatau Aqparat" مەدياحولدينگىنىڭ ءجۋرناليسى دينا ليتپين تۇركىتىلدەس جۋرناليستەر قورى ۇيىمداستىرعان بايقاۋدا باس جۇلدەگە يە بولدى، - دەپ حابارلايدى aqshamnews.kz ءتىلشىسى.
تۇركىتىلدەس جۋرناليستەر قورى بيىل جۋرناليستيكا سالاسىنداعى ەكى ماڭىزدى جوبا – "الەۋمەت – قوعام ايناسى" جانە "ەركىن ءسوز – 2025" بايقاۋلارىنىڭ جەڭىمپازدارىن ماراپاتتادى.
"ەركىن ءسوز – 2025" بايقاۋىندا "سايتتاعى ۇزدىك ماقالا" بويىنشا باس جۇلدەنى "Alatau Aqparat" مەدياحولدينگىنىڭ ءجۋرناليسى دينا ليتپين يەلەندى. بۇل جەڭىس حولدينگ جۋرناليستەرىنىڭ كاسىبي شەبەرلىگىن، سونداي-اق، ونلاين-جۋرناليستيكاداعى ساپالى كونتەنتكە دەگەن ۇمتىلىستى ايقىن كورسەتتى.
"ەركىن ءسوز – 2025" بايقاۋى اياسىندا دا ءبىرقاتار قالامگەردىڭ ەڭبەگى ەلەندى. ديانا ءبىرجانوۆا 100 مىڭ تەڭگەلىك جۇلدەنى يەلەنسە، 500 مىڭ تەڭگەلىك باس جۇلدەلەر بىرنەشە نوميناسيا بويىنشا تابىستالدى:
- "ۇزدىك اقپاراتتىق بەينەسيۋجەت" نوميناسياسىندا – نۇركەن اكىمحانوۆ،
- "گازەتتەگى ۇزدىك ماقالا" بويىنشا – گۇلزيا تىلەكقابىل قىزى،
- "سايتتاعى ۇزدىك ماقالا" اتالىمىندا باستى جۇلدە "Alatau Aqparat" مەدياحولدينگىنىڭ وكىلى دينا ليپپينگە بەرىلدى.
ايتا كەتەيىك، تۇركىتىلدەس جۋرناليستەر قورى "ەركىن ءسوز" بايقاۋىن 9 جىلدان بەرى وتكىزىپ كەلە جاتىر.