الماتى قالاسى بويىنشا قىلمىستىق-اتقارۋ جۇيەسى دەپارتامەنتىنە قاراستى №11 مەكەمەنىڭ ماماندارى مەن تۋريزم جانە قوناقجايلىق يندۋستريا كوللەدجىنىڭ وكىلدەرى بىرلەسىپ «زاڭعا باعىنعان قۇل بولمايدى» دەگەن تاقىرىپتا سەمينار وتكىزدى.
№11 مەكەمەنىڭ رەجيم جانە كۇزەت ءبولىمى، مەكەمە باستىعىنىڭ كەزەكشى كومەكشىسى ادىلەت مايورى انار مۋستافايەۆ، تۋريزم جانە قوناقجايلىق يندۋستريا كوللەدجىنىڭ ديرەكتورى نۇرداۋلەت جابىقبايەۆ، المالى اۋدانىنىڭ يۋۆەنالدى پوليسيا پولكوۆنيگى قولقانات اياعانوۆ، پەداگوگ-پسيحولوگتار ەلميرا ۇسەن قىزى، گۇلنار بەكسۇلتان قىزى، سونىمەن قاتار الماتى قالالىق پسيحيكالىق دەنساۋلىق ورتالىعىنىڭ ناركولوگ-دارىگەرى اننا ترۋبنيكوۆا، جاستار دەنساۋلىق ورتالىعىن دامىتۋ بويىنشا رەسۋرستىق ورتالىعىنىڭ كلينيكالىق پسيحولوگى ەلەنا اكچالوۆا جانە اتا-انالار كوميتەتىنىڭ مۇشەلەرى قاتىستى.
سەميناردا جاسوسپىرىمدەر تاراپىنان ءجيى جاسالاتىن قۇقىق بۇزۋشىلىعى تۋرالى، جاسوسپىرىمدەردىڭ اۋىتقۋشىلىق جانە ديەۆيانتتى مىنەز-قۇلقىنىڭ الدىن-الۋ ماسەلەلەرى تالقىلاندى. «ەسىرتكى جانە پسيحوتروپتىق زاتتاردى تاراتقانى جانە پايدالانعانى ءۇشىن قىلمىستىق جاۋاكەرشىلىك» جايىندا دا ءسوز قوزعالدى. سونىمەن قاتار كامەلەتتىك جاسقا تولماعان بالالاردىڭ قىلمىستىق جاۋپكەرشىلىگى تۋرالى تالقىلاندى. جاسوسپىرىمدەردىڭ پسيحيكالىق دەنساۋلىعى، بالاعا زيان كەلتىرمەي قيىن جاعدايدان قالاي شىعۋعا بولادى دەگەن تاقىرىپ توڭىرەگىندە دە اڭگىمە قوزاعالدى.
«بۇل باسقوسۋ مەملەكەت باسشىسىنىڭ ەلىمىزدە «زاڭ جانە ءتارتىپ» قاعيداتىن ءبىرجولا ورنىقتىرۋ تۋرالى تاپسىرماسىنا ءۇن قوسۋ ماقساتىندا ۇيىمداستىرىلدى. ءيا، جاستارعا زاڭ مەن ءتارتىپ تۋرالى ۇدايى اڭگىمەلەپ وتىرۋدىڭ ارتىقتىعى جوق. ءقازىر ولاردىڭ وسىناۋ قىزىلدى-جاسىلدى ومىرگە قۇمارتىپ جالىنداپ تۇرعان شاعى. سوندىقتان قۇقىقتىق تاربيە ولاردىڭ بولاشاقتا زاڭ بۇزباي، قىلمىسقا ۇرىنباي، جاقسى ءومىر سۇرۋىنە، قوعامنان ءوز ورنىن تابۋىنا ىقپال ەتەرى ءسوزسىز. «دوڭگەلەك ۇستەل» باسىندا جينالعان ماماندار وزەكتى ماسەلەلەردى تالقىلاپ، جاستاردىڭ قۇقىقتىق ساۋاتتىلىعىن ارتتىرۋ جانە ءادىل جانە تۇراقتى قوعام قۇرۋدىڭ نەگىزى «زاڭ جانە ءتارتىپ» ەكەنى ايتىلدى»، – دەيدى №11 مەكەمەنىڭ تاربيە ءبولىمى قىزمەتكەرى ەركەگۇل جەڭىسحان.