قاشىقتان وقۋ تالاپتارىن سارحات بەيسەنوۆا ءتۇسىندىرىپ بەردى، دەپ حابارلايدى aqshamnews.kz
بۇگىن ورتالىق كوممۋنيكاسيالار قىزمەتىندە بريفينگ بەرگەن باس مەملەكەتتىك سانيتار دارىگەر سارحات بەيسەنوۆا تۇماۋعا بايلانىستى كەيبىر مەكتەپ قاشىقتان وقۋ فورماتىنا اۋىساتىنىن ايتتى.
ونىڭ ايتۋىنشا، باس مەملەكەتتىك سانيتار دارىگەر بيىل 28 تامىزدا بالالار قانداي جاعدايدا قاشىقتان وقۋ فورماتىنا اۋىساتىنى جازىلعان. ياعني، ءبىر سىنىپتا تۇماۋ جۇقتىرعان بالالاردىڭ سانى جالپى سىنىپتاعى وقۋشىنىڭ 20 پايىزىنان اسىپ كەتسە، ءبىر كابينەتتە وتىرىپ ءبىلىم الۋ جۇيەسى توقتايدى. ەكىنشىدەن، تۇماۋعا بايلانىستى سىنىپتاعى بالالاردىڭ 30 پايىزى اۋىرىپ جاتسا، وندا وقۋ ونلاين فورماتقا اۋىسادى.
سارحات بەيسەنوۆانىڭ سوزىنە سەنسەك، بۇگىن تاڭەرتەڭگى جاعدايعا ساي، ەلىمىزدىڭ جەتى وڭىرىندەگى مەكتەپتەر ونلاين فورماتقا كوشكەن. دالىرەك ايتقاندا، رەسپۋبليكا بويىنشا جالپى 132 مەكتەپتەگى 1 469 سىنىپ قاشىقتان وقىتۋ فورماتىنا اۋىسقان. اتاپ ايتقاندا، استاناداعى 24 مەكتەپتە 182 سىنىپ ونلاين وقۋعا كوشتى، شىعىس قازاقستان وبلىسىندا – 57 مەكتەپتەگى 204 سىنىپ، اباي وبلىسىندا – 21 مەكتەپتەگى 276 سىنىپ، جامبىل وبلىسىندا – 14 مەكتەپتەگى 598 سىنىپ، قوستاناي وبلىسىندا – 12 مەكتەپتەگى 168 سىنىپ، اقمولا وبلىسىندا – 3 مەكتەپتەگى 21 سىنىپ جانە قاراعاندى وبلىسىندا ءبىر مەكتەپتەگى 20 سىنىپ قاشىقتان وقۋعا اۋىستى.