گونكونگتا الاپات ءورت سالدارىنان تۇرعىن ءۇي كەشەنىندە قازا تاپقاندار سانى 94-كە جەتتى، - دەپ حابارلايدى aqshamnews.kz ءتىلشىسى theguardian.com-عا سىلتەمە جاساپ.
باسىلىم مالىمەتىنشە، كوپ ءمايىت جەتى عيماراتتىڭ ەكەۋىنەن تابىلعان. زارداپ شەككەندەردىڭ سانى 155 ادامعا جەتتى. بۇعان دەيىن شامامەن 100 ادامنىڭ زارداپ شەككەنى ايتىلعان ەدى.
جاراقات العاندار اراسىندا 11 ءورتسوندىرۋشى دە بار.
ەسكە سالايىق، 26 قاراشادا قىتايدىڭ گونكونگ ارنايى اكىمشىلىك ايماعىندا تايپوۋ اۋدانىنداعى تۇرعىن ءۇي الابىندا ءورت شىقتى. ارتىنشا تۇرعىن ءۇي كەشەنىندەگى ءورت باسقا عيماراتتارعا تارادى.