الاكولدە دەمالۋشىنىڭ اياعىن سۋ موتوسيكلىنىڭ ەسكىشى جۇلىپ كەتتى، - دەپ حابارلايدى Almaty-akshamy.kz.
وقيعا 30 شىلدە كۇنى جەتىسۋ وبلىسى الاكول اۋدانىنىڭ اقشي اۋىلىنداعى كول جاعالاۋىندا بولعان.
1984 جىلعى زارداپ شەگۋشى الاكول اۋدانىنىڭ اۋرۋحاناسىنا جەتكىزىلدى. ونىڭ سول اياعىن جۇلىپ اكەتكەن.
«ءقازىر ناۋقاستىڭ جاعدايى اۋىر. ول ارنايى اپپاراتتىڭ كومەگىمەن تىنىس الۋدا. 1984 جىلى تۋعان پاسيەنت الاكول اۋداندىق اۋرۋحاناسىنا 30 شىلدە كۇنى ساعات 16:10 كەلىپ ءتۇستى. العان جاراقاتى سالدارىنان پاسيەنتتىڭ سول اياعى جۇلىنىپ كەتكەن. 3-4 ساتىداعى تراۆماتيكالىق شوك العان. جەدەل تۇردە سول اياعىنا وپەراسيا جاسالدى. 31 شىلدە كۇنگى مالىمەت بويىنشا پاسيەنتتىڭ جاعدايى وتە اۋىر. جانساقتاۋ بولىمىندە ەم قابىلداپ جاتىر.»، - دەلىنگەن جەتىسۋ وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ حابارلاماسىندا.
پوليسيا ق ر قك 344-بابى بويىنشا قىلمىستىق ءىس قوزعاپ، تەرگەۋ جۇرگىزىپ جاتىر.