انتيكور ەكس ۆيسە-مينيسترگە قاتىستى تەرگەۋدى اياقتادى، دەپ حابارلايدى Almaty-akshamy.kz ۆەدومستۆوعا سىلتەمە جاساپ.
سىبايلاس جەمقورلىققا قارسى قىزمەت بۇرىنعى يندۋستريا جانە ينفراقۇرىلىمدىق دامۋ ۆيسە-مينيسترى ت. توقتابايەۆقا قاتىستى لاۋازىمدىق وكىلەتتىگىن اسىرا پايدالانۋ فاكتىسى بويىنشا سوتقا دەيىنگى تەرگەۋدى اياقتادى.
ول قوستاناي وبلىسىنداعى قاتتى پايدالى قازبالاردىڭ (نيكەل جانە كوبالت) ءىرى قورى انىقتالعان «شيەۆچەنكوۆسكوە» كەن ورنىن بارلاۋ سىلتاۋىمەن اففيلييرلەنگەن تۇلعالارعا اۋكسيونسىز زاڭسىز بەرگەن دەپ ايىپتالىپ جاتىر.
ناتيجەسىندە ونىڭ باقىلاۋىنداعى كومپانيا قول قويۋ بونۋسىنىڭ ەڭ تومەنگى قۇنىمەن وندىرۋگە دايىن كەن ورنىن العان.
ءوزىنىڭ الەمدىك قورى بويىنشا بىرەگەي نيكەل جانە كوبالت تۇرىندەگى قاتتى پايدالى قازبالار 100 ملن توننا 5،7 ترلن تەڭگە سوماسىنا باعالانادى.
تەرگەۋ بارىسىندا قابىلدانعان شارالاردىڭ ارقاسىندا اتالعان كەن ورنى مەملەكەت پايداسىنا قايتارىلدى.
قازاقستان رەسپۋبليكاسىنىڭ باس پروكۋراتۋراسى ايىپتالۋشى ت. توقتابايەۆتى سوتقا بەردى.
قىلمىستىق-پروسەستىك كودەكسىنىڭ 201-بابىنا سايكەس وزگە اقپارات جاريالانبايدى.