«الاكول» كەدەن بەكەتىندە تاۋارلاردى زاڭسىز اكەلۋدىڭ جولى كەسىلدى

زاڭسىز اكەلىنگەن تاۋارلاردىڭ كەدەندىك قۇنى شامامەن 43 ملن تەڭگەنى قۇرايدى

الماتى وبلىسى بويىنشا مەملەكەتتىك كىرىستەر دەپارتامەنتىنىڭ «الاكول» كەدەن بەكەتىندە 22 483 كەلى كولەمىندە «قولعاپ» تۇرىندەگى تاۋارلاردى زاڭسىز اكەلۋدىڭ جولى كەسىلدى، دەپ حابارلايدى Almaty-akshamy.kz.
 
قم مەملەكەتتىك كىرىستەر كوميتەتى باسپا ءسوز قىزمەتىنىڭ حابارلاۋىنشا، كەدەندىك تەكسەرىپ قاراۋدى جۇرگىزۋ ءۇشىن تاۋاردىڭ كەدەندىك قۇنىنىڭ تومەندەۋى نەگىز بولعان.

«الاكول» كەدەن بەكەتىنىڭ ماماندارىمەن كەدەندىك تەكسەرىپ قاراۋدى جۇرگىزۋ كەزىندە قازاقستان رەسپۋبليكاسىنىڭ كەدەن زاڭناماسىن بۇزۋشىلىقتار انىقتالدى.

"زاڭسىز اكەلىنگەن تاۋارلاردىڭ كەدەندىك قۇنى شامامەن 43 ملن تەڭگەنى قۇرايدى. 2022 جىلدىڭ ءساۋىر ايىندا ماتەريالدار قىلمىستىق ءىس قوزعاۋ ءۇشىن الماتى وبلىسى بويىنشا ەكونوميكالىق تەرگەۋ دەپارتامەنتىنە جولداندى"، - دەلىنگەن حابارلامادا.

وسى جىلدىڭ باسىنان باستاپ قازىرگى ۋاقىتقا دەيىن دەپارتامەنت 21 فاكت بويىنشا (13 جۇك الۋشى بويىنشا، ونىڭ ىشىندە 9 – رەزيدەنت،  4 - رەزيدەنت ەمەس) قىلمىستىق ءىس قوزعاۋ ءۇشىن قۇقىق قورعاۋ ورگاندارىنا ماتەريالداردى جىبەردى، وندا كەدەندىك قۇنى شەكتى دەڭگەيدەن اسقانى انىقتالعان (10 000 اەك-تەن استام).

وسىلايشا مالىمدەلمەگەن تاۋارلاردىڭ جالپى كەدەندىك قۇنى 1 ملرد 836 ملن تەڭگەنى، ال مالىمدەلمەگەن تاۋارلاردىڭ سالماعى 695 تەڭگە.