الماتىدا «مۇمكىندىگى مول» ايەل ۇستالدى

بانكتەن قايتارىمسىز نەسيە الۋعا ۋادە بەرگەن

بوستاندىق اۋداندىق پوليسيا باسقارماسىنىڭ مالىمەتىنشە، ءبىرقاتار الاياقتىق جاسادى دەگەن كۇدىككە 1979 جىلى تۋعان ب.ەسىمدى ازاماتشا ىلىكتى، دەپ حابارلايدى Almaty-akshamy.kz.

«بۇگىنگى كۇنى ءبىزدىڭ بولىمشەنىڭ وندىرىسىندە ءۇش ادامنىڭ ارىزى جاتىر. ول بىرەۋگە الەۋمەتتىك باسپانا الۋ كەزەگىن «جىلجىتىپ» بەرۋگە، بىرەۋگە بانكتەن قايتارىمسىز نەسيە الۋعا ۋادە بەرىپ، ءۇشىنشىسىن قىلمىستىق ءىستىڭ تەرگەۋ بارىسىنا ىقپال ەتە الاتىنىنا سەندىردى. ءبىراز ۋاقىتتان كەيىن بۇل ادامدار الدانعاندارىنا كوز جەتكىزىپ، ىشكى ىستەر ورگاندارىنا جۇگىندى. ب.ەسىمدى ازاماتشا ۇستالدى. تەرگەۋ مەرزىمىندە قاماۋعا الۋ تۇرىندەگى بۇلتارتپاۋ شاراسىن تاڭداۋ تۋرالى شەشىم قابىلدانادى. سونىمەن قاتار، ءقازىر باسقا دا ىقتيمال جابىرلەنۋشىلەردى انىقتاۋ جۇمىستارى جۇرگىزىلۋدە. سوتقا دەيىنگى تەرگەۋ جالعاسۋدا»، - دەدى، بوستاندىق اۋداندىق پوليسيا باسقارماسىنىڭ باستىعى، پوليسيا پولكوۆنيگى دۋمان اۋحادييەۆ.

پوليسيا قىزمەتكەرلەرى، ب.ەسىمدى ازاماتشانىڭ زاڭسىز ارەكەتتەرىنەن زارداپ شەككەن ادامدار مىنا تەلەفون نومىرلەرى ارقىلى حابارلاسا الاتىنىن حابارلادى: 254-47-01؛  254-47-02 جانە 8-702-160-06-34.