ءبىرىنشى پارتيادا قوس برەيككە قول جەتكىزگەن قازاقستاندىق-ارگەنتينالىق جۇپ ايقىن باسىمدىلىق تانىتتى
قازاقستاننىڭ جۇپتىق سىندا ءبىرىنشى، الەمنىڭ 25-راكەتكاسى اندرەي گولۋبيەۆ ريم ماستەرس ءتۋرنيرىنىڭ جارتىلاي فينالىنا شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستاندىق تەننيسشى ارگەنتينالىق ماكسيمو گونسالەسپەن بىرگە شيرەك فينالدا ۋرۋگۆايلىق اريەل بەحار – ەكۆادورلىق گونسالو ەسكوبارمەن كۇش سىناستى.
ءبىرىنشى پارتيادا قوس برەيككە قول جەتكىزگەن قازاقستاندىق-ارگەنتينالىق جۇپ ايقىن باسىمدىلىق تانىتتى – 6:2.
ەكىنشى سەت الدەقايدا تارتىستى ءوربىپ، ماچ تاعدىرى تاي-برەيكتە شەشىلدى – 7:6 (12:10).
ءبىر ساعات 45 مينۋتقا سوزىلعان باسەكە بارىسىندا ا.گولۋبيەۆ پەن م.گونسالەس ەيس جاساماعانىمەن، 6 برەيك-پوينتتىڭ ەكەۋىن پايدالاندى.
ا.گولۋبيەۆ پەن م.گونسالەستىڭ جارتىلاي فينالداعى قارسىلاستارى كەيىن انىقتالادى.
تاعى ءبىر قازاقستاندىق دەنيس ەۆسەيەۆ رەسەيلىك الەكساندر شيەۆچەنكومەن بىرگە شىمكەنت چەللەندجەر ءتۋرنيرىنىڭ فينالىنا شىعا المادى. بۇل جۇپ جارتىلاي فينالدا تارتىستى ماچتا شۆەيساريالىق انتۋان بەلە – برازيليالىق گابريەل دەكامپقا ەسە جىبەردى – 5:7، 7:6 (7:5)، 6:10.
ەسكە سالا كەتەيىك، بۇدان بۇرىن ەلەنا رىباكينانىڭ ريم ءتۋرنيرىنىڭ شيرەك فينالىنا شىعا الماعانىن، يۋليا پۋتينسيەۆانىڭ الەمنىڭ جەتىنشى راكەتكاسىنا جول بەرگەنىن جازعان بولاتىنبىز.
ەسەسىنە اندرەي گولۋبيەۆ ريم ماستەرس ءتۋرنيرىنىڭ شيرەك فينالىنا شىقتى.
ديەۆيس كۋبوگىندا قازاقستان تەننيسشىلەرىنىڭ قاي كۇندەرى وينايتىنى انىقتالدى.