بۋرابايدا ءوتىپ جاتقان ۇلتتىق قۇرىلتايدا مەملەكەت باسشىسى قاسىم-جومارت توقايەۆ ەلىمىزدە سوڭعى ۋاقىتتا جيىلەپ بارا جاتقان الاياقتىق ارەكەتتەرىنە الاڭداۋشىلىق ءبىلدىرىپ، بۇل ماسەلەگە قاتىستى پىكىرىن ءبىلدىردى.
«قۇرىلتاي مۇشەلەرى تاعى ءبىر جايتقا الاڭداۋشىلىق ءبىلدىرىپ وتىر. سوڭعى كەزدە ەل ىشىندە ءتۇرلى الاياقتىق ارەكەتتەر جيىلەپ بارادى. تەرىس پيعىلدى ادامدار قايىرىمدىلىققا دەپ اقشا جيناپ، ونى جەكە باسىنىڭ پايداسىنا جاراتادى. سونداي-اق كوپ ادام ينتەرنەت-الاياقتاردان زارداپ شەگۋدە»، – دەپ ايتتى پرەزيدەنت.
قاسىم-جومارت توقايەۆ الاياقتىقتىڭ جاڭا ءتۇرى رەتىندە قازىرگى ۋاقىتتا كوبەيىپ كەتكەن جالعان پسيحولوگتار مەن «كوۋچتاردى» دا اتاپ ءوتتى.
«ءقازىر جۇرتقا اقىل ايتىپ اقشا تاباتىن جالعان پسيحولوگتار مەن «كوۋچتار» كوبەيىپ كەتتى. ولارعا سەنىپ، الدانىپ قالعاندار كوپ. ماعان بۇل تۋرالى كوپتەگەن شاعىم ءتۇسىپ جاتىر»، – دەدى مەملەكەت باسشىسى.
پرەزيدەنت وسى ماسەلەگە قاتىستى قۇرىلتاي مۇشەسى ايگۇل ورىنبەكتىڭ كوتەرگەن ماسەلەسى ورىندى ەكەنىن ايتىپ، جاۋاپتى ورگانداردى بۇل ماسەلەگە نازار اۋدارۋعا شاقىردى.