الماتىدا ەر ادام جالعا الىنعان قۇرال-جابدىقتاردى قايتا ساتقان
ءتارتىپ ساقشىلارىنىڭ ايتۋىنشا، 25 جاستاعى گ. ەسىمدى ازامات سايتقا كومپيۋتەرلىك تەحنيكانى جالعا بەرۋ تۋرالى حابارلاندىرۋلار ورنالاستىرعان. راسىمدەۋ ءۇشىن ءوز قولىمەن جاسالعان كەلىسىمشارت تا دايىنداعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
كومپيۋتەرلىك كلۋب اشپاق بولىپ العان كومپيۋتەرلەردى سودان كەيىن قايتا ساتىپ جىبەرگەن.
«ءتورت جابىرلەنۋشى پوليسياعا ارىزدانعان. جەدەل ىزدەستىرۋ شارالارى بارىسىندا كۇدىكتى قولعا ءتۇستى. قازىرگى ۋاقىتتا تەرگەۋدىڭ تولىقتىعىن، جان-جاقتىلىعىن جانە وبەكتيۆتىلىگىن قامتاماسىز ەتۋگە باعىتتالعان كەشەندى تەرگەۋ شارالارى جۇرگىزىلۋدە. سوتقا دەيىنگى تەرگەۋدىڭ ءبىرىڭعاي تىزىلىمىنە قىلمىستىق ءىس ق ر قك-نىڭ 190-بابى 1ء-بولىمى بويىنشا تىركەلدى. جابىرلەنۋشىلەرگە كەلتىرىلگەن شىعىننىڭ جالپى سوماسى شامامەن ەكى ميلليون تەڭگەنى قۇرادى»، – دەدى جەتىسۋ اۋداندىق پوليسيا باسقارماسى باستىعىنىڭ ورىنباسارى اسحات داۋلەتياروۆ.