بۇل تۋرالى ءىىم كيبەرقىلمىسقا قارسى ءىس-قيمىل دەپارتامەنتىنىڭ باستىعى جاندوس ءسۇيىنباي ايتتى، دەپ حابارلايدى aqshamnews.kz
الماتىدا بەلگىلى جۋرناليست، پروفەسسور، قازاقستان جازۋشىلار وداعىنىڭ مۇشەسى كاكەن قامزين الاياقتاردىڭ قۇربانى بولدى دەپ بۇدان بۇرىن حابارلاعانبىز.
قارتايعان شاعىندا ول ءوزىنىڭ جالعىز باسپاناسىنان ايىرىلىپ قالۋى مۇمكىن. ءقازىر بۇل ىسكە قاتىستى قىلمىستىق تەرگەۋ ءجۇرىپ جاتىر.
قازىرگى تاڭدا كۇدىكتىنى انىقتاۋعا باعىتتالعان جەدەل-تەرگەۋ شارالارى ءجۇرىپ جاتىر. تەرگەۋ مۇددەسىنە بايلانىستى وزگە اقپارات ازىرگە جاريا ەتىلمەيدى. بۇل ازاماتتىڭ باسپاناسى – ءوز اتىنا تىركەلگەن جىلجىمايتىن مۇلىك. مەنىڭ ويىمشا، ول باسپاناسىز قالمايدى. الاياقتىق دەرەگىنە قۇقىقتىق باعا بەرىلەدى، – دەدى ءىىم وكىلى جاندوس ءسۇيىنباي.
پروفەسسور كاكەن ءقامزيننىڭ ءۇيىنىڭ اقشاسىن الاياقتار شەتەلگە اۋدارعان. سونىمەن بىرگە ءۇيدى ساتىپ العانداردىڭ بۇل قىلمىسقا قانشالىقتى قاتىسى بار ەكەنى تەكسەرىلمەك.