پوليسيا الاياقتاردىڭ قۇربانى بولماۋدىڭ جولدارىن ايتتى، دەپ حابارلايدى aqshamnews.kz
الاياقتىقتىڭ تۇرلەرى مەن ولاردان ساقتانۋ جولدارى تۋرالى ءتۇسىندىرۋ جۇمىستارى جۇيەلى تۇردە جۇرگىزىلىپ جاتقانىنا قاراماستان، جىل باسىنان بەرى وڭىردە 1158 الاياقتىق فاكتىسى تىركەلدى.
ونىڭ ىشىندە 996 ينتەرنەت ارقىلى جاسالعان قىلمىستار قاتارىن تولىقتىردى. الاياقتاردىڭ باستى ماقساتى – ايلا-امال ارقىلى ازاماتتاردىڭ اقشاسىن الداۋ جولىمەن يەمدەنۋ.
وسىنداي جاعىمسىز جاعدايلارعا تاپ بولماس ءۇشىن پوليسيا قىزمەتكەرلەرىنىڭ مىنا كەڭەستەرىن ۇستانىڭىز:
بانك پەن ۇيالى بايلانىس وپەراتورلارىنان كەلگەن SMS-كودتاردى ەشكىمگە ايتپاڭىز؛
جەكە دەرەكتەرىڭىزدى، بانك كارتالارىڭىز بەن شوتتارىڭىز تۋرالى اقپاراتتى بوگدە ادامدارعا جىبەرمەڭىز جانە جاريا ەتپەڭىز؛
بانكتىك كارتاڭىزدى ەشكىمگە بەرمەڭىز جانە بەيتانىس ادامداردان اتىڭىزعا اقشا اۋدارىمدارىن قابىلداماڭىز؛
ينتەرنەت-دۇكەندەردەن تاۋار نە قىزمەت الاردا سول دۇكەننىڭ بەدەلى مەن پىكىرلەرىن تەكسەرىڭىز؛
ەسىڭىزدە بولسىن:
قۇقىق قورعاۋ ورگاندارىنىڭ نەمەسە بانكتەردىڭ قىزمەتكەرلەرى ەشقاشان سىزدەن ترانزاكسيا جاساۋدى نەمەسە تەلەفون ارقىلى جەكە مالىمەتتەردى سۇرامايدى؛
قارجى وپەراسيالارىن جاساماس بۇرىن، اقپاراتتىڭ دۇرىستىعىن مىندەتتى تۇردە تەكسەرىڭىز؛
ۇيگە ءوزىڭىز شاقىرماعان بەيتانىس ادامدار كەلگەن جاعدايدا ەسىك اشپاڭىز. ولار كىم بولىپ تانىستىرسا دا، اباي بولىڭىز؛
بەيتانىس ادامدارعا اقشا بەرمەڭىز جانە اقشانى ۇساقتاپ بەرىپ نە ايىرباستاپ بەرۋگە كەلىسپەڭىز؛
ءوزىن ساۋدا فيرمالارىنىڭ وكىلىمىن دەپ تانىستىرعان ادامداردان ازىق-تۇلىك، تۇرمىستىق تەحنيكا نەمەسە دارى-دارمەك ساتىپ الماڭىز.
وسى قاراپايىم ەرەجەلەردى ساقتاۋ ارقىلى ءسىز الاياقتاردىڭ قۇربانى بولۋ ءقاۋىپىن ەداۋىر ازايتا الاسىز.