قىرعىزستاندا مەملەكەتتىك ءتىلدى قولدانۋعا قاتىستى زاڭ جوباسى قابىلداندى، دەپ حابارلايدى aqshamnews.kz
جوگوركۋ كەنەشتىڭ وتىرىسىندا دەپۋتاتتار مەملەكەتتىك ءتىلدى قولدانۋ ماسەلەلەرى بويىنشا كەيبىر زاڭنامالىق اكتىلەرگە وزگەرىستەر ەنگىزۋ تۋرالى زاڭ جوبالارى پاكەتىن ەكىنشى جانە ءۇشىنشى وقىلىمدا قابىلدادى.
تۇزەتۋلەرگە سايكەس، جوگوركۋ كەنەش دەپۋتاتتارى، مينيسترلەر كابينەتى ءتوراعاسى مەن ونىڭ مۇشەلەرى، كونستيتۋسيالىق، جوعارعى جانە جەرگىلىكتى سوتتاردىڭ سۋديالارى، پروكۋرورلار، تەرگەۋشىلەر مىندەتتى تۇردە قىرعىز ءتىلىن ءبىلۋى ءتيىس. بۇل تالاپ ۇلتتىق بانك قىزمەتكەرلەرىنە، قۇقىق قورعاۋ جانە ۇلتتىق قاۋىپسىزدىك ورگاندارى قىزمەتكەرلەرىنە دە قاتىستى.
ادۆوكاتتار مەن نوتاريۋستار دا قىرعىز ءتىلىن جەتكىلىكتى دەڭگەيدە مەڭگەرمەسە، ليسەنزيا الا المايدى.
قىرعىزستانداعى مەملەكەتتىك ءتىل تۋرالى زاڭ تالاپتارىن بۇزعانى نەمەسە ورىنداماعانى ءۇشىن جەكە تۇلعالارعا 5 مىڭ سوم (شامامەن 29 675 تەڭگە)، زاڭدى تۇلعالارعا 17 مىڭ سوم (شامامەن 100 895 تەڭگە) كولەمىندە ايىپپۇل سالىنادى. بۇل نورما جەكە تۇلعالارعا قاتىستى نورماتيۆتىك قۇقىقتىق اكتىلەردە بەلگىلەنگەن ءتىل ءبىلۋ تالاپتارىنا قولدانىلمايدى.