«Astana Zdorovie – 2021» 17ء-شى قازاقستاندىق كورمەسى وتەدى
27-29 قازان كۇندەرى EXPO حالىقارالىق كورمە ورتالىعىنىڭ الاڭىندا «Astana Zdorovie – 2021» 17ء-شى قازاقستاندىق حالىقارالىق كورمەسى وتەدى، دەپ حابارلايدى Almaty-akshamy.kz
حالىقارالىق كورمە – رەسپۋبليكانىڭ سولتۇستىك جانە ورتالىق وڭىرلەرىندە مەديسينالىق، زەرتحانالىق جابدىقتاردى، شىعىس ماتەريالدارىن، دارىلىك پرەپاراتتاردى، مەديسينالىق ماقساتتاعى تاۋارلار مەن مەديسينالىق قىزمەتتەردى كورسەتۋدىڭ ءتيىمدى الاڭى.
بيىل «Astana Zdorovie 2021» كورمەسىنىڭ قاتىسۋشىلارىن مازمۇندى ىسكەرلىك باعدارلاما، كەزدەسۋلەر مەن كەلىسسوزدەر كۇتىپ تۇر. پىكىرتالاستارعا، سەمينارلار مەن دوڭگەلەك ۇستەل وتىرىستارىنا مينيسترلىكتەر مەن ۆەدومستۆولاردىڭ وكىلدەرى، ەمدەۋ مەكەمەلەرىنىڭ باسشىلارى، تاجىريبەلى دارىگەرلەر، عالىمدار مەن تەحنولوگتار قاتىسادى.
كورمە اياسىندا EXPO حكو الاڭىندا MedTech حالىقارالىق فورۋمى، «كوروناۆيرۋس ينفەكسياسىن زەرتحانالىق دياگنوستيكالاۋ» كونفەرەنسياسى، «كوروناۆيرۋس ينفەكسياسى پاندەمياسىنىڭ ساباقتارى» سەمينارى ۇيىمداستىرىلادى.
بۇعان قوسا، 28 قازاندا EXPO حكو عيماراتىندا قازاقستان رەسپۋبليكاسى دەنساۋلىق ساقتاۋ مينيسترلىگى مەن «سك-فارماسيا» ج ش س ۇيىمداستىرعان GLOBAL PHARM I حالىقارالىق فارماسيەۆتيكالىق فورۋمى وتەدى.
«Astana Zdorovie – 2021» كورمەسى ق ر دەنساۋلىق ساقتاۋ مينيسترلىگىنىڭ، نۇر-سۇلتان قالاسى اكىمدىگىنىڭ، رەسەي فەدەراسياسىنىڭ قازاقستان رەسپۋبليكاسىنداعى ساۋدا وكىلدىگىنىڭ، «قازاقستاننىڭ فارممەد يندۋسترياسى» قازاقستاننىڭ فارماسيەۆتيكالىق جانە مەديسينالىق ونىمدەرىن وندىرۋشىلەر قاۋىمداستىعىنىڭ، حالىقارالىق فارماسيەۆتيكالىق وندىرۋشىلەر قاۋىمداستىعىنىڭ قولداۋىمەن ۇيىمداستىرىلاتىن بولادى.