پوليسيا الاياقتاردىڭ جاڭا ءادىسى تۋرالى ەسكەرتتى.
الاياقتار مەسسەندجەرلەردە جالعان اككاۋنتتار جاساپ، مەملەكەتتىك، كۆازيمەملەكەتتىك جانە باسقا دا ءىرى كوممەرسيالىق مەكەمەلەردىڭ باسشىلارى بولىپ تانىسىپ، ادامداردى الداۋعا كوشىپتى، دەپ حابارلايدى aqshamnews.kz
"الاياقتىق سحەماعا سايكەس، ولار ۇقك قىزمەتكەرلەرى بولىپ تانىسىپ، بانكتىك شوتتارى ارقىلى تەرروريستىك ۇيىمداردى قارجىلاندىرۋ فاكتىسى انىقتالعانىن ايتىپ، قورقىتۋ ارقىلى اقشانى جالعان بانكتىك شوتتارعا اۋدارۋدى نەمەسە قولما-قول اقشانى قۇقىق قورعاۋ ورگاندارى قىزمەتكەرىنە بەرۋىن سۇرايدى"، - دەلىنگەن پوليسيا دەپارتامەنتىنىڭ حابارلاماسىندا.
وسىعان بايلانىستى ازاماتتارعا ساق بولۋ، بەلگىسىز ابونەنتتىك نومىرلەرمەن ديالوگقا تۇسپەۋ، سونداي-اق بەلگىسىز بانكتىك شوتتارعا اقشا اۋدارماۋ جانە بوگدە ادامدارعا اقشانى بەرمەۋ تۋرالى ەسكەرتىلەدى. بارلىق كۇماندى جاعدايلار تۋرالى "102" كانالىنا دەرەۋ حابارلاۋى سۇرالادى.