سەرۆيس پاسيەنتتەرگە قاعاز قۇجاتىن ۇسىنباي، جازىلعان رەسەپت بويىنشا دارىلىك زاتتاردى الۋعا مۇمكىندىك بەرەدى.
بۇل دارى-دارمەكتەردى الۋ پروسەسىن ەداۋىر جەڭىلدەتتى جانە جۇيەنىڭ اشىقتىعىن ارتتىردى، دەپ حابارلايدى aqshamnews.kz
دەنساۋلىق ساقتاۋ مينيسترلىگى مەديسينالىق قىزمەتتەردى سيفرلاندىرۋ شەڭبەرىندە پاسيەنتتەرگە eGov mobile موبيلدىك قوسىمشاسىندا QR-كود ارقىلى رەسەپت بويىنشا دارى-دارمەك الۋعا مۇمكىندىك بەرەتىن جاڭا سەرۆيستى ىسكە قوستى.
پاسيەنتتى سايكەستەندىرۋ QR-كود ارقىلى جۇزەگە اسىرىلادى، بۇل پروسەستىڭ اشىقتىعىن قامتاماسىز ەتەدى جانە قوسىپ جازۋ جاعدايلارىن ازايتادى. ءدارىحانالار ءوز كەزەگىندە رەسەپتتەردى تەزىرەك جانە دالىرەك وڭدەيدى، بۇل تۇتىنۋشىلارعا قىزمەت كورسەتۋ ساپاسىنا وڭ اسەر ەتەدى جانە كۇتۋ ۋاقىتىن قىسقارتادى.
سەرۆيس ىسكە قوسىلعان ساتتەن باستاپ 6،5 مىڭ ازامات QR-كودتى سايكەستەندىرۋ ارقىلى دارىلىك زاتتاردى الدى.
E-Densaulyq-تا QR-كود ارقىلى دارىلىك پرەپاراتتاردى الۋدىڭ قادامدىق الگوريتمى
دارىگەرگە بارۋ:
دارىگەر دقاج جۇيەسىندە ەلەكتروندىق رەسەپت جازادى.
قوسىمشادا رەسەست پەن QR-كودتى الۋ:
EGov mobile قوسىمشاسىنداعى e-Densaulyq قىزمەتىندە "رەسەپتتەر – امبۋلاتوريالىق دارى-دارمەكپەن قامتاماسىز ەتۋ" بولىمىنە ءوتىپ، ءار رەسەپت ءۇشىن QR-كودىن الىڭىز.
ءدارىحانادا دارى-دارمەك الۋ:
فارماسيەۆت QR-كودتى سكانەرلەيدى جانە رەسەپت بويىنشا دارى-دارمەك بەرەدى.